هێزە ئەمنیەكانی موسڵ لەماڵێكدا پارەو زێڕێكی زۆریان دەستبەسەردا گرت، باسیش لەوەكراوە كە پارەو زێڕەكە هی سەردەمی داعش بووە.
فەرماندەی ئۆپەراسیۆنەكانی پۆلیسی نەینەوا رایگەیاندووە: بەپشت بەستن بەزانیاری ورد لەماڵێكدا لەناو شاری موسڵ دەست بەسەر ملیۆنێك و 500 هەزار دۆلارو زیاتر لە (15) كیلۆگرام زێڕو خشڵی گرانبەها گیراوە.
رونیشكراوەتەوە: ئەو ماڵە پێی وتراوە دیوانی دارایی داعش و دەكەوێتە ناوچەی كۆنی موسڵەوەو ئەو پارەو خشڵانەی تێدا شاردرابوەوە.
وتووشیەتی: تەواوی ئەو پارەیەی دەستی بەسەر بەسەردا گیراوە بریتیە لە ملیۆنێك و 500 هەزار دۆلاری ئەمریكی و (17) ملیۆن دیناری عێراقی و (15) كیلۆگرام زیو (458) گرام زێرو (256) ماددەی كانزایی نەناسراو بووە.