یەكەم كاردانەوەی سەپاندنی باج بەسەر مووچە ئاشكرا كرا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

یەكەم كاردانەوەی سەپاندنی باج بەسەر مووچە ئاشكرا كرا

 

 

ئەندامێكی لێژنەی دارایی پەرلەمانی عێراق دەڵێت، ئەوەی لە نوسراوی وەزارەتی دارایی بۆ ئەمیندارێتی ئەنجوومەنی وەزیران هاتووە سەبارە بە جێبەجێكردنی دانانی باج لەسەر مووچە ڕەت دەكەنەوەو ناكرێت دوای چوار مانگ لە دابەزاندنی نرخی دینار باجیش لەسەر مووچە دابنرێت.

(ماجیدە تەمیمی) ئەندامی لێژنەكە لە ڕاگەیەنراوێكدا ڕایگەیاندووە، بەهەموو شێوەیەك نوسراوی ژمارە (880) ی وەزارەتی دارایی كە (13) ی نیسان نێردراوە بۆ ئەمیندارێتی ئەنجوومەنی وەزیران ڕەت دەكەنەوە كە تێیدا وەزیری دارایی داوای كردووە دووبارە كاربە ڕێنمایی ژمارە (1) ی ساڵی (2007) بكرێت بۆ دانانی باج لەسەر مووچە.

ڕوونیشیكردۆتەوە، ناكرێت مووچەی فەرمانبەرانی دەوڵەت ڕووبەڕووی لێبڕین ببێتەوە لەكاتێكدا چوار مانگ بەسەر دابەزاندنی نرخی دینار بەرامبەر دۆلار تێنەپەڕیوە، ئەو بڕیارە شكستخواردنی سیاسەتی ئیدارەدانی دەوڵەت و نەبوونی هەماهەنگی لەنێوان سیاسەتەكانی دارایی و نەختینە پێشان دەدات.

تەمیمی لە بەشێكی تری ڕاگەیەنراوەكەیدا جەختی لەوەكردۆتەوە، لەكاتێكدا نرخی دینار دابەزێنرا، جەختمان لەوە دەكردەوە كە پێویستە قۆناغ بە قۆناغ بێت و هەنگاوی ئامادەكاری بنرێت بۆ باشكردنی مووچەی چاودێری كۆمەڵایەتی و خاوەن پێداویستیە تایبەتەكان و چینە لاوازەكان و باشتركردنی مادە خۆراكیەكانی ناو فۆڕمی خۆراك و كۆنترۆڵكردنی نرخ، بەڵام بە نوسراوێكی وەزارەتی دارایی تووشی سەرسوڕمانیان كردین كە داوای دانانی باج لەسە مووچە دەكات، لەكاتێكدا لێژنەی دارایی ئەو بڕگەیەی لە پرۆژە یاسای بودجەدا لابرد.

ئەو ئەندامەی لێژنەی دارایی پێشی وایە، ئەو بڕیارە كاریگەری نەرێنی لەسەر توانای كڕین و ژیانی هاوڵاتیان بە فەرمانبەرو كاسبكاران و كەرتی تایبەتیشەوە هەیە، چونكە كاریگەری لەسەر سەرجەم چاڵاكی ئابووری دەبێت و دەبێتە هۆی پاشەكشەی، بۆیە داوا لە وەزیری دارایی دەكات كە لەو بڕیارە پاشەكشە بكات بەپێچەوانەوە بانگهێشتی دەكەن بۆ لێپرسینەوە.

هه‌واڵی گرنگ