وەزیری تەندروستی عێراق رایگەیاند، كۆتایی ئەم مانگە زیاتر لە ملیۆنێك ڤاكسینی دیكە دەگاتە وڵاتەكەی.

(حەسەن تەمیمی) وەزیری تەندروست عێراق بۆ رۆژنامەنووسان رایگەیاند، كۆتایی ئەم مانگە ملیۆنێك و 300 هەزار ڤاكسین لەرێگەی كۆفاكسەوە دەگاتە عێراق.

وتیشی : هەموو هەفتەیەك ڤاكسینی ڤایزەر دەگاتە عێراق و تەنها ئەمڕۆ (200) هەزار ڤاكسینی سینۆفارم لەبەغداو پارێزگاكان دابەشكراون.

بەپێی ئامارەكانی وەزارەتی تەندروستی عێراق، تا ئێستا زیاتر لە (215) هەزار كەس ڤاكسینی كۆرۆنایان وەرگرتووە.