ئۆتۆمبێلێك كە بۆ بەئامانجگرتنی هێزە ئەمنییەكانی پارێزگای ئەنبار ئامادەكرابوو، تەقێندرایەوە.
لەمبارەیەوە شانەی راگەیاندنی ئەمنیی عێراق لە بەیاننامەیەكدا ڕایگەیاندوە: هێزێكی لیوای چوار و هەواڵگریی فیرقەی یەكەم لە فەرماندەیی پڕۆسەكانی ئەنبار ئۆتۆمبێلێكی بۆمبڕێژكراوی جێهێڵدراویان لە فڕۆكەخانەی (تەبەعات) كە دەكەوێتە رۆژئاوای بنكەی (H3) پوچەڵكردووەتەوە.
ئاماژە بەوەشكراوە: دەركەوتووە ئۆتۆمبێلەكە بۆ بە ئامانجگرتنی یەكە ئەمنییەكان ئامادەكراوە، بەڵام هێزەكان توانیویانە هەوڵەكە پوچەڵبكەنەوە.