سەرۆکێ جڤاتا پارێزگەها دهۆکێ  راگەهاند: هەر کەسەکێ ب ناڤێ بەرپرساتیێ رێ ب دەتە خۆ ڤاکسینا فایزەر ب دانیت، گۆپیتکا ئەنانیەتێ و خۆپەرێسیێ یە.

فەهیم عەبدوللا، سەرۆکێ جڤاتا پارێزگەها دهۆکێ کو ئێکەم کەس بوو ل سنۆرێ پارێزگەهێ ڤاکسینا ئەسترازینیکا دانایى،  گۆت: پێدڤیە دەلیڤەیا هەژارى و دەولەمەنى و بەرپرسى و تاکەکەسى وەکى هەڤ بن ب تایبەت د وەرگرتنا چارەسەری و خزمەتگۆزاریێ دا.

ئاشکرا ژى کر: هەر کەسێ رێ بدەتە خۆ ب ناڤێ بەرپرساتیێ دەلیڤێ ژ کەسەکێ دى وەرگریت گۆپیتکا ئەنانیەتیێ و خۆپەرێسیێ یە.

ل دۆر گرتنەبەرا رێکاران ژى سەرۆکێ جڤاتێ دوپاتکر، دەما ڤاکسین ببیتە ئحتیکار و وەسا لێ بهێت و نەمینیت دێ ب جدى دیفچوونێ کەین و دێ هەمى بزاڤان کەین د دەلیڤەیا وەرگرتنێ وەک ئێک بیت و دڤێت دادپەروەرانە بیت.