داهێنەری سیستەمی (PDF) كێ‌ بوو ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

داهێنەری سیستەمی (PDF) كێ‌ بوو ؟؟

 

 

رۆژی (16/4) (چارلز گیشكی) هاوبەشی دامەزرێنەری كۆمپانیای (Adobe) و داهێنەری شێوازی دۆكیۆمێنتی گوازراوەی (PDF) لە تەمەنی (81) ساڵیدا لە ویلایەتی كالیفۆرنیای ئەمریكا كۆچی دواییكرد.

(شانتانۆ نارایینی) سەرۆكی جێبەجێكاری كۆمپانیای (Adobe) لە لێدوانێكیدا مردنی گیشكی راگەیاندو ئاشكرایكرد، گیشی كە نازناوەكەی (چاك) بوو شۆرشێكی لەبواری بڵاوكردنەوەی ئەلیكترۆنیدا هەڵگیرساند.

هەروەها ئەو لێپرسراوەی ئەدۆب لە نامەیەكیدا بۆ كارمەندانی كۆمپانیاكەی نووسیوە» مردنی گیشكی زیانێكی گەورەیە بۆ خێزانی ئەدۆب و پیشەسازی تەكنۆلۆژیا كە بۆ دەیان ساڵ ئەو پیاوە وەك پاڵەوان و رێنماییكەری وابوو.

هەروەها نووسیویەتی: هەردوو دامەزرێنەری هاوبەشی ئەدۆب، چاك و ئەرنوك گەشەیان بە چەند پرۆگرامێك داوە كە بەشۆرش دادەنرێت لەو شێوازانەدا كە خەڵك بەهۆیانەوە پەیوەندی بەیەكەوە دەكەن ناوەڕۆكێك دروست دەكەن.

نارایین وتیشی : گیشكی و ئەرنوك بەرپرس بوون لە گەشەپێدانی پرۆگرامی داهێنەرانەی وەك (PDF) و ئیلستریتۆرو پریمەر پرۆو فۆتۆشۆپ بوون.

چالز گیشكی لە ساڵی (1982) دا كۆمپانیای ئەدۆبی دامەزراندووەو كە پرۆگرامی (PDF) چەند بەرنامەیەكی تری لە بواری دەنگ و رەنگدا پێشكەشكردووە، لە ساڵی (1992) دا لەلایەن چەند كەسێكەوە رفێنراو دوای چوار رۆژ ئازادكراوەو ئەم رووداوەش ماوەی چەند رۆژێك سەردێری هەواڵەكانی ئەمریكا بوو.

ساڵی (2009) باراك ئۆبامای سەرۆكی پێشوتری ئەمریكا میدالیای نیستمانی بۆ تەكنۆلۆژیای بەخشییە گیشكی و ئۆرۆنۆك.

نان گیشكی خێزانی گیشكی دەڵێت : ئەو زۆر كەسێكی خاكی بوو زۆر شانازی بە سەركەوتنەكانییەوە دەكرد، بەڵام زۆر وریای ئەوە بوو كە شتێك بكات شایانی ئەو شانازییەی بێت.

كەشتی نووح

هه‌واڵی گرنگ