سەنگەر گواستنەوە لە پێناو بەرژەوەندی تایبەتیدایە، ئەوكەسانەی سەنگەر دەگوازنەوە لە پێناو پاراستنی بەرژەوەندییەكانی خۆیانە، یان كاتێك دەستیان ناگاتە ئەو پۆستەی هەوڵی بۆ دەدەن و چاویان لێیەتی یان كەتێك خۆیان بەراورد دەكەن بەهاوڕێكانیان و خۆیان بە مافخوراو و ستەملێكراو دەبینن با هۆكارەكان خودیش بن ئیتر گۆڕینی بیر و بڕوایان وەك گۆڕینی جوتە پێڵاوەكانیان سەیردەكەن و زۆر بە ئاسانی و شانازییەوە واز لە بیر و ئایدیا و مێژو و خەباتی چەند ساڵەی خۆیان دەهێنن سەنگەر دەگوازنەوە ناو ماڵی نەیارەكانیان. جا وەنەبێت ئەولایەنەش كە كاكم سەنگەری بۆ گواستۆتەوە متمانەی تەواوی پێبكات، چونكە ئەوە مامەڵەی كڕین و فرۆشتنە و ئەو لایەنە دەزانێت تەنیا لەڕوی ڕاگەیاندن و دەنگدانەوە سود لەو دەبینێت و ناحەزێك كەمدەكاتەوە، بەڵام با ئەوە باش بزانن ئەو كەسانە لەهەر پلەوپۆستێكدابن لەلایەن یار و نەیاریانەوە بە چاوێكی كەمترەوە سەیردەكرێن.
ئەم سنگەر گواستنەوەنییە" بەڵكوو پرۆسەی بەرژەوەندی گواستنەوەیە زۆرجار لەپێش وادەی هەڵبژاردنەكاندا ئەنجام دەدرێت، یان ڕاگەیاندنەكەی دوا دەخرێت بۆ كاتێكی گونجاوو، ئەویش لایەنی كڕیار دیاری دەكات.