زانایانی ژینگه‌: مه‌ترسی له‌سه‌ر ژیانی ملیۆنان كه‌س هه‌یه‌
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

زانایانی ژینگه‌: مه‌ترسی له‌سه‌ر ژیانی ملیۆنان كه‌س هه‌یه‌

به‌هۆی گۆڕانكاری ژینگه‌یی و توانه‌وه‌ی بەستەڵەكەكانی جیهان، زانایان هۆشداری دەدەن و رایده‌گه‌یه‌نن: ئەگەری هەیە توانەوەی بەستەڵەكەكان ببێتە هۆی كارەسات بۆ ملیۆنان كەس.

لە لێكۆڵینەوەیەكدا، كە لە گۆڤاری "نەیچەر" بڵاوكراوەتەوە، تیمێكی زانایان رایانگه‌یاند: بەستەڵەكەكان لەسەرتاسەری جیهاندا بەشێوەیەكی خێراتر دەستیان كردووە بە توانەوە و، ئەوەش بۆتە هۆی ئەوەی 31%ی بەفر و بەستەڵەكەكانی جیهان بتوێنه‌وه‌و لەدەست بچن، لەچاو 15 ساڵ پێش ئێستا.
له‌ لێكۆڵینه‌وه‌كدا هاتووه‌، هۆكاره‌كه‌ی بۆ گۆڕانكاری ژینگەیی و سوتاندنی سوتەمەنی بەردین ده‌گه‌ڕێته‌وه‌، كه‌ لە ساڵی 2015ەوە 220 هەزار داڕووخانی بەستەڵەكەكان روویانداوە و، بۆتە هۆی توانەوەی 298 ملیار تۆن بەفر.
زاناكان ئاشكرایانكردووه‌، ئەو ئاوەی لەو توانەوەیە دروستبووە، بەسە بۆ ئەوەی وڵاتێكی وەك سویسرا بە قوڵایی زیاتر لە 7 مەتر دابپۆشێت.
له‌ لێكۆڵینه‌وه‌كه‌ ئاماژه‌ به‌وه‌شكراوه‌، لە ساڵی 2015ەوە بۆ 2019 رێژەی توانەوەی ساڵانە 71 ملیار تۆن بووە، نیوەی بەستەڵەكی لەدەستچووش لە جیهاندا لە ئەمریكا و كەنەدا بوون و ولایەتی ئالاسكا بەرزترین رێژەی هەبووە لە جیهاندا و روباری كۆڵۆمبیای سەهۆڵی ساڵانە 35 مەتر پاشەكشەی كردووە.
له‌مباریه‌وه‌ ئه‌و تیمه‌ی زانایان هۆشداری دەدەن و ده‌ڵێن: ئەگەری هەیە توانەوەی بەستەڵەكەكان ببێتە هۆی كارەسات بۆ ملیۆنان كەس بەتایبەتی ئەوانەی وەك سەرچاوەی ئاو پشتی پێ‌ دەبەستن.

 

هه‌واڵی گرنگ