سەرۆك وەزیرانی عێراق ڕایگەیاند، لێژنەیەك پێكهێنراوەو كار لەسەر ئەوە دەكات كە بەشە بودجەی ئەم مانگەی هەرێمی كوردستان بنێردرێت.
(موستەفا كازمی) سەرۆك وەزیرانی عێراق لە چاوپێكەوتنێكی هاوبەشدا لەگەڵ چەند میدیایەكدا ڕایگەیاند، ڕێككەوتنی بەغداو هەرێم لەسەر پڕۆژەی بودجەو مادەی (11) باش بوو و بە وردی كاردەكەین بۆ چارەسەركردنی كێشەكان لەنێوان هەردوولا.
ئاماژەی بەوەشكرد، ئێمە جدین لە جێبەجێكردنی یاساكەو بەڵگەش بۆ ئەوە ئەوەیە كە ئێستا لێژنەیەك كار دەكات بۆ ناردنی بەشە بودجەی ئەم مانگەی هەرێمی كوردستان.