وەزیری ئاوەدانکردنەوەو نیشتەجێکردن لە ڕوونكردنەوەیەكدا هەواڵی چەند سایت و پەیجێك بەدرۆ دەخاتەوە كە لەبارەی كارەكانی وەزارەتەكەیەوە خستویانەتەڕوو.

دانا عەبدولکەریم ، وەزیری ئاوەدانکردنەوەو نیشتەجێکردن لە ڕوونكردنەوەیەكدا ڕایگەیاندوە: ماوەی چەند رۆژێکە کۆمەڵێک سایت و پەیجی فەیسبوک، بۆ چەواشەکاری هەواڵی ناراست و بێ بنەماو بوختان ئاراستەی ئێمە دەکەن.

ئەوەشی خستۆتەڕوو: لێرەوە دوپاتی دەکەینەوە، ئەو بوختان و چەواشەکارییانە لە کاروانی ئاوەدانی نامانوەستێنێت، بەردەوام دەبین لەسەر هەوڵەکانمان لێبڕاوانە بۆ خزمەتکردنی هاوڵاتیان و سودی گشتی.