كوردیو

 

قایمقامییەتی قەزای ناوەندیی هەولێر لەناو مەیدانی مریشکفرۆشانی هەولێر دەست بەسەر زیاتر لە 5 تۆن خورمای ماوەبەسەرچوودا دەگرێت.

‌

‏‎قایمقامییەتی قەزای ناوەندیی هەولێر بڵاویكردووەتەوە،" لە ڕێکەوتی 9-5-2021 لەلایەن بەڕێوەبەڕایەتی ئاسایشی ھەولێر (ھۆبەی ئابوری) لەنزیک مەیدانی مریشکفرۆشان توانرا دەست بگیرێت بەسەر بڕی(5)پێنج تۆن خورمای جۆراوجۆری ماوەبەسەرچوو و ناتەندروست و نەشیاو بۆ خواردن لە شوێنێکی گەرم و بەدەر لە ڕێنماییەکانی تەندروستی".

 

ئاماژەی بەوەشداوە،"خاوەنەکەی ھەولیداوە بەشێوازی دیكە و شاراوە لەڕێگای بەکارھێنانی دۆشاو و شتی ترەوە لەناو سەبەتە و قاپی پلاستیک لەناو بازاڕی شاری ھەولێر،لەسەر مێز و عارەبانە ساغی بکاتەوە".

 

دەشڵیت،"لەلایەن لێژنەی پشکنین و چاودێری بازاڕ لە قایمقامیەتی قەزای ناوەندیی ھەولێر پشکنینی پێویستی بۆ ئەنجامدرا،دەرکەوت ئەم جۆرە خورمایە بەھیچ شێوەیەک شیاونیە بۆ خوارنی مرۆڤ".

 

‏‎ئەوەشخراوەتەڕوو،"بۆ ئەم مەبەستە ڕێکاری یاسایی گیرایەبەر ، سەرجەم ئەم بڕە خورمایەی سەرەوە لەناو بردرا،خاوەنەکەی دەستگیر کرا و کاردانەوەی ياسايی بەرامبەر دەکرێت".