قوفڵ بوونی پەنجەكان چۆن روودەدات
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

قوفڵ بوونی پەنجەكان چۆن روودەدات

 

 

لە ئەنجامی هەوكردنی ماسولكە ژێكان و تەسك بوونەوەی ئەلقەی یەكەمی چواردەوری ماسولكە ژێكانی دەست كاتێك دەچنە ناو پەنجەكانەوە، قفل بوونی پەنجەكانی دەست ڕوودەدات.

(د.دێدەوان نامیق رەسوڵ) پسپۆڕی نەشتەرگەری ئێسك و شكان ئاماژە بەوەدەدات كە لە (2 – 3%) خەڵك تووشی قوفڵ بوونی پەنجەكانی دەست دەبن، لە ڕەگەزی مێ زیاتر باوە بە تایبەتی لە تەمەنی (50) ساڵی بەسەرەوە، لە (10%) ئەو كەسانەی نەخۆشی شەكرەیان هەیە تووش دەبن.

زۆربەی كات پەنجەی گەورە تووش دەبێت، دواتر پەنجەی ئەنگوستیلەو پەنجەكانی تر بە ڕێژەی كەمتر تووش دەبن.

(د.دێدەوان نامیق رەسوڵ) لە بارەی هۆكارەكانی قوفڵ بوونی پەنجەكانی دەست دەڵێت:

زۆر بەكارهێنانی پەنجە بە یەكێك لە هۆكارە سەرەكیەكانی ئەم نەخۆشییە دادەنرێت، ئەم نەخۆشییانەی خوارەوەش پەیوەندییان هەیە بە زۆرتر توش بوون بەم نەخۆشییە:

ڕۆماتیزمی جومگە، هەوكردنی ماسولكە ژێكان، نەخۆشی پاشاكان، نەخۆشی شەكرە، تەمەڵی غوددەی دەرەقی و بەشێكی ئەو نەخۆشانەی تووشی گیرانی دەماری ناوەڕاست دەبن.

نیشانەكانی بە چوار قۆناغ تێپەڕدەبێت:

قۆناغی یەكەم: بە ئازار دەست پێدەكات، كە بەرە بەرە ئازارەكە بەرەو زیاتر دەچێت.

قۆناغی دووەم: هەست بە كرتەك لە پەنجە دەكات لە كاتی جووڵە.

قۆناغی سێیەم هەست بە گیران و جۆرێك لە قفل بوون دەكات، بەڵام بە توانای ماسولكەكە دەتوانێت پەنجەكە ڕاست بكاتەوە.

قۆناغی چوارەم: لە كاتی جووڵە قفل دەبێت و بە توانای پەنجەكەی ناتوانێ ڕاستی بكاتەوە، دەبێت دەستەكەی تری بەكاربێنێ بۆ ڕاست كردنەوە.

لە بارەی چارەسەر كردنی ئەم حاڵەتە (د.دێدەوان نامیق) ئاماژە بە دوو ڕێگە دەدات نەشتەرگەری و بێ نەشتەرگەری :

لە بارەی بەبێ نەشتەرگەری بە دوو خاڵ ڕوونیدەكاتەوە:

1. لە سەرەتادا دەست دەكەین بە بەكارهێنانی دەرمانی دژە ئازارو هەوكردن لەگەڵ بەكارهێنانی قاڵب بۆ ماوەیەكی دیاریكراو، هەندێك چارەسەری سروشتیش بەكاردێت.

2. ئەگەر ڕێگەی یەكەم سودی نەبوو، دەست دەكەین بە لێدانی دەرزی ستیڕۆید لە چواردەوری ئەلقەی یەكەم.

بە نەشتەرگەری:

ئەگەر زیاتر لە سێ جار قفل بوونەكە دووبارە بۆوە دوای بەكارهێنانی دەرزی ستیڕۆید، دەبێت نەشتەرگەری بۆ بكرێت بە بڕین و كردنەوەی ئەلقەی یەكەمی ماسولكە ژێكان كە تەسك بوویتەوە.

هه‌واڵی گرنگ