ئیسماعیل هەنیە: ئیسرائیل شكست دەهێنێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئیسماعیل هەنیە: ئیسرائیل شكست دەهێنێت

سەرۆكی مەكتەبی سیاسیی حەماس ڕایدەگەیەنێت: تەواوی بەرپرسیارێتیی كردنە ئامانجی مەدەنی لە كەرتی غەززە لە ئەستۆی ئیسرائیلە.

ئیسماعیل هەنیە سەرۆكی مەكتەبی سیاسیی حەماس بەڕۆژنامەنوسانی وڵاتەكەی ڕاگەیاند: تەواوی بەرپرسیارێتیی بەردەوام كردنە ئامانجی هاووڵاتییانی مەدەنی لە كەرتی غەززەی گەمارۆدراو ئیسرائیلە.

هەنیە لە راگەیەندراوێكدا هێرشەكەی دوێنێ شەوی سوپای ئیسرائیلی بۆ سەر كەمپی پەنابەرانی شاتیئی لە كەرتی غەززە بە ''كۆمەڵكوژی نوێ'' ناوزەند كرد و، رایگەیاند ''درێژبوونەوەی كۆمەڵكوژیی بە خاڵە جیاوازەكاندا لە كەرتی غەززە بێ دەسەڵاتیی و شكستی دوژمن و بینینەوەی خۆی بەرامبەر گەورەیی ئەو بەرگریی رووبەڕووی بووەتەوە نیشان دەدات''.

هەروەها هەنیە جەختی لەسەر ئەوە كردەوە كە ئیسرائیل شكست دەهێنێت و، رایگەیاند: "تەواوی بەرپرسیارێتیی كردنە ئامانجی هاووڵاتییانی مەدەنی لە كەرتی غەززە ئیسرائیلە. هێزە بەرگریی كارەكان بەردەوام دەبن لە بەرگریی كردن لە خەڵك، شكست بە سوپای دوژن دەهێنن و رێگری دەكەن لە بەردەوامی كۆمەڵكوژیی".

ئیسرائیل، دوێنێ شەو بۆردومانی خانوویەكی كرد لە كەمپی پەنابەرانی الشاتیئ لە خۆرئاوای كەرتی غەززەی گەمارۆدراو، لە ئاكامدا ١٠ هاووڵاتی فەڵەستینی شەهیدبوون، كە هەشتیان منداڵ و دووانیان ژن بوون.

لای خۆیەوە، لیواكانی عێزەددین ئەلقەسام كە باڵی سەربازیی حەماسە، ئاماژەی بەوە كرد وەك بەرپەرچدانەوەیەك بەرامبەر ئەو هێرشەی كرایە سەر خانوویەك لە كەمپی پەنابەرانی الشاتیئ و تۆڵەكردنەوەی شەهیدانی فەڵەستین لە كەرتی خۆرئاوا، بە مووشەك هێرشیان كردووەتە سەر ئاشدوود و بیرشیبا.

سوپای ئیسرائیل، لە ١٠ی ئایارەوە تا ئێستا، بەردەوام هێرشی ئاسمانیی چڕ دەكاتە سەر كەرتی غەززە و، بەهۆی هێرشەكانیەوە ١٣٩ فەڵەستینی شەهیدبوون كە ٣٩یان منداڵ و ٢٢یان ژنن، ٩٥٠ كەسی دیكەش برینداربوون.

هه‌واڵی گرنگ