بەڕەنگاربوونەوە بۆ فەلەستینیەکان باشترین بژاردەیە 
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەڕەنگاربوونەوە بۆ فەلەستینیەکان باشترین بژاردەیە 

دکتۆر عبدالوهاب المسیری گەورە توێژەری کۆچکردوی میسرو خاوەنی (ئینسکلۆبیدیای زایۆنیزم - موسوعة الصهيونية) دەڵێ :- ڕۆژئاوا بەئەندازەی هێزو تواناكانت ئاوڕت لێدەداتەوەو حسابت بۆ دەکات .

بۆیە بەڕەنگاربوونەوە باشترین بژاردەیە

بۆ فەلەستینیەکان ، (ئەنوەر سادات) پێی وابوو دوای ئیمزاکردنی (ڕێککەوتننامەی ئاشتی) ئیتر ئەمەریکا دەرگای هەموو گەنجینەکانی بۆدەکاتەوە، بەڵام پاش ئەوەی سەردانی ئیسرائیلی کردو ڕێککەوتننامەی ( ئاشتی) ئیمزا کرد ، ئیتر ئەمریکا ئیشی پێی نەما ولێی بێمنەت بوو ، بۆیە بەجێی هێشت تا تیرۆریان کرد.

بەڵێ ئەمریکاو ڕۆژئاوا بەئەندازەی بوون و ئامادەیی و تواناو لەباربوونی خۆت ، حسابت بۆدەکەن و پشتیوانی و هاوکاریت دەکەن.

تێبینی :- ئەم ڕاستیە لە پاش پەیماننامەی (سیڤەر) ،لەگەڵ کوردیشدا ڕەنگی دایەوە ، چونکە بریتانیاو فەرەنسا قەناعەتیان وابوو کە کورد توانای خۆبەڕێوەبردنی نیە، بۆیە پاشگەزبوونەوەو خاڵەکانی ٦٢ و٦٣ و ٦٤ کەتایبەت بوون بە دابینکردنی مافەکانی گەلی کورد ،جێبەجێ نەکران و لەگەڵ ئەتاتورکدا - کە لەسەر ئەرزی واقیع بوون و هێزی خۆی سەلماند- ڕێککەوتن و پەیماننامەی شوومی (لۆزان) یان ئیمزاو جێبەجێ کرد.

کەوابوو بائێمەی هێزە کوردستانیەکان پەند لە وانەو ڕووداوەکانی مێژوو وەرگرین و بەپلەی یەکەم پشت بەخۆمان و یەکڕیزیمان و میللەتەکەمان ببەستین و هەوڵ بدەین هێزو تواناو ئامادەیی خۆمان بسەلمێنین، نەک هەرچاوەڕێی مام سام ( ئەمریکا) و ئەو دەوڵەتانە بین کە خاکەکەمانیان پارچەپارچەو گەلەکەمانیان پەرتەوازە کرد.

کورد دەمێکە وتویانە :- بەدەستی خۆت خۆت نەخورێنی ناڵێی ئۆخەی.

هه‌واڵی گرنگ