کوردستان و فەڵەستین
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

کوردستان و فەڵەستین

بە داخەوە ئێمەی کورد ئەڵێی ناکۆکی و دووبەرەیی و دووبەرەکیمان بە میرات بۆ بڕاوەتەوەو ، چێژ دەبەین لە موجادەلەو چەلەحانێ و شەڕە قسە ..!! لە مێژوی کۆن و نوێدا یەکەمین هۆکاری لاوازی و شکستی کورد ناکۆکی و دووبەرەکی ناوخۆ بووە بە ئێستاشەوە .. لەسەر هیچ شێتک کۆدەنگ نین و هەمیشە خەریکی ململانێی نەزۆک و بێ سوودین .

هیچ بابەتێکی ناوخۆیی و ئیقلیمی و نێودەوڵەتی نیە ئێمەی کورد لەسەری کۆک بین و بۆ هەموو شتێک دەبینە چەندین بەرەو دەستەو شیرو تیر لەیەکتر دەسووین .. لە سەر هەموو بابەتێک قسەمان هەیەو ، لە هەموو شتێکیشدا ناکۆکین ، لە بەرامبەر ئەمریکاو ئێران و تورکیاو عێراق و عەرەب و شیعەو سونەو مەسیحی و یەزیدی و تورکمان و داعش و حەشدی شەعبی و چی و چیەوە ، هەڵوێستمان جیاوازەو ناکۆکین .. ـــ کۆتا بابەت کێشەی ــ فەلەستین و ئیسرائیل ــ کە لەم ڕۆژانەی ڕابووردوودا گەرم بوو، دیسانەوە ئێمە بووینەوە بە دووبەرەو کەوتینەوە یەکتر تاوانبارکردن و شەڕه‌ قسه‌ به‌ تایبه‌ت له‌ تۆره‌ كۆمه‌ڵایه‌تیه‌كان.

كه‌واته‌ ئێمەی کورد هەڵوێستمان چی بێت بەرامبەر کێشەی فەلەستین ..؟؟
۱- زۆر گرنگە سەرەتا بە شێوەیەکی زانستی و بابەتی و وەک مرۆڤێک سەیری کێشەکە بکەین و بێ لایەنانە هەڵسەنگاندن بۆ رووداوه‌كان بكه‌ین.
۲- وەک گەلێکی بێ دەوڵەت و خاک داگیرکراوو دابەشکراوو قوربانی دەستی ڕێکەوتنی ــ سایکس بیکۆو ، لۆزان ــ خۆمان بە هاودەردو هاوخەم و هاوشێوەی فەلەستینیەکان ببینین و هاوسۆزیان بین.
۳- وەک گەلێکی مسوڵمانیش هەست بە ئازارو مەزڵومییەتی گەلی فەلەستین بکەین کە هاو ئاینمانن و ستەمیان لێدەکرێت و بە ڕوونی کۆمەڵگەی نێودەوڵەتی و زلهێزان هاوکاری ئیسرائیل دەکەن و زۆرینەی عەرەبیش لەبەر بەرژەوەندی سیاسی و ئابوۆری خۆیان دەست بەرداریان بوون .
٤- لە هەمووی گرنگ تر .. پەندو عیبرەت وەربگرین لەوەی کە گەلی فەلەستین بە هۆی یەکڕیزی و یەکگرتوویی و تەبایی و لەسەرپێی خۆ ڕاوەستان و بەهۆی ئیمان و ئیرادەی بەهێزی خۆیانەوە بە تەنها و بە چەکی سەرەتاییەوە بەرامبەر چوارەمین هێزی سەربازی دونیاو یەکەم هێزی ڕۆژهەڵاتی ناوەڕاست وەستاونەتەوەو تەسلیم نەبوون و پارزگاری لە خاکو شەرەف و کەرامەتی خۆیان ده‌كه‌ن.

دەبوایە ئێمەی کورد لەباتی دووبەرەکی و دابەش بوون بەسەر پشتیوانی و دژایەتی عاتفیانەی حەماس و جولەکە ، دەرس و پەندو عیبرەتمان وەربگرتایە لەو تۆکمەیی و یەکڕیزیەی حزب و گروپە فەلەستینیەکان ، کە ــ حماس و جیهادو جەبهەی شەعبی کە عەلمانیەو ، هەموو گروپەکان لە غەززە پێکەوە بەرەنگاری داگیرکاری جولەکە بوونەتەوە ، هەروەها ، عەرەبی غەزەو کەناری ڕۆژئاواو قودس و ناوچەی 1948 پێکەوەو بە یەکڕیزی توانیان ئەم جەولەیەی شەڕ ببەنەوەو مەرجەکانیان بەسەر ئیسرائیلدا بسەپێنن .
ئێمەی کوردیش هەتا خۆمان بەردەوام ناکۆک بین و بەتەمابین ئەمریکاو بەریتانیاو فەڕەنسای خاوەن سایکس بیکۆو لۆزان مافمان بۆ وەرگرنەوە ، لە دەوڵەتانی تورک و عەرەب و فارس، وەزعمان لە ئەمڕۆ خراپتر دەبێت و لەهیچ ڕووداوێک پەند وەرناگرین ..

هه‌واڵی گرنگ