ب سەدان (گەلۆ) و (چاوا)یان، ئەم دسوژن !!!!
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ب سەدان (گەلۆ) و (چاوا)یان، ئەم دسوژن !!!!

 
پشتی شازدە سالێن فەرمانبەرییێ وەک دەرچۆیێ زانکۆیێ و زێدەکرنا دوازدە سالێن خزمەتا ڕۆژنامەڤانییێ،
 
ئەز ژ ئێکی مەها هەشت وەرە ژ سالا بۆری (٢٠٢٠)ێ، هاتمە خانەنشین کرن و ئەو ژی پشتی ئەز د بەر مرنێڕە هاتیمە کرن، دا ب تایێ ڕازی ببم.. ب تڕێن گامێشان و ب دوعایێن دەروێشان، ڕاتبێ من ژ نوو بوو (٤١٢) هزار دینار و ژ وان (٨٢) هزار بۆ تەوقیفاتان ژ من دئێنە بڕین و پاشێ ژ یێ مایی ژی (٢١٪)ێ دئێتە بڕین و ل وێرێ (٢٤٣) هزارێن ڕەزیل و ڕسوا دمینن..
 
بۆ زانین پێشتر من د سەر مەلیۆنێڕە وەردگرت و ئەڤە هەمی پشتی ب ناڤێ پاشەکەوتی ئەز و خانما خوە و د گەل هەمی فەرمانبەرێن وەک خوە پێشتر هاتینە تالان کرن و شەلاندن..
 
گەلۆ ب چ ڕوو ئەز مفایێ خواندنێ ل بەر غەیری خوە شرین بکم و یێن ناڤێ خوە نوزانن بنڤیسن و ئێک ڕۆژێ پێشمەرگاتی ژی نەکرین و ب ڕێکا کونەدزییێ د سەر مەلیۆنێڕە بێنە خانەنشین کرن؟ گەلۆ چاوا قایل ببم کو وەلاتێ نەزانین تێدە ب سەر زانینێ دکەڤت شرین و خوەشە و د دەڤێ منڕە بێت، ڤەگێڕم و بێژم “وەلات چ قاس خوەش و ڕندە” و ژ درەو خوە قانع بکم کو مرۆڤێ خودانهەست تێدە خودانکەرامەت و سەربلندە؟ چاوا قایل ببم کو ئاڤایە و ب هزاران شیان و پێچێبوونا خۆرت و گەنجێن کو زانکۆ ب دووماهی ئینایین، تێدە هەڕافتی و مرییە؟ ... ب سەدان گەلۆ و چاوایێن دی هەنە وەک بست و داخەکا شاریایی، ئەم پێ دئێنە سۆتن و داخ دان و کەس ژ بەرپرسان خوە ل بەرسڤا وان ژی ناکتە خودان و هەچکو پێشییەکێ پشتا گوهێ وان گەستی !!!!
 
 
تێبینی:
هیڤی دکم کەس ل بێنا مەلاقی و خوەشرینکرنێ تەنشتێن مە ب چو بست و داخێن شاریایی یێن دی نەسوژینت و مە ب مێژمێژۆک و خشخشۆکا چو درووشمێن ڕووت و ڕەوال و ڤالا نەخاپینت.. “ڤیانا دلان ژ دانا دەستان دیارە”..

هه‌واڵی گرنگ