هۆكارەكانی تووش بوون بەدەوالـی بزانن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هۆكارەكانی تووش بوون بەدەوالـی بزانن

 

 

نەخۆشی دەوالی گەورەبوونی دەمارە خوێنهێنەرەكانی قاچ و تێكچوونی زمانەی ناو دەمارەكانە، ئەم حاڵەتە دەبێتە هۆی ئەوەی خوێنێكی زۆر لەناو دەمارەكان كۆبێتەوەو نەگەڕێتەوە بۆ سەرەوە، ئەمەش دەبێتە هۆی ئازارو ئەستووربوونی قاچ.

هۆكارەكانی نەخۆشی دەوالی :

1. بۆماوەیی

2. بەكارهێنانی هەندێك دەرمان

3. رەگەز (مێ زۆرترە لە نێر)

4. زۆر لەسەر پێ ڕاوەستان و كاركردن

5. جەڵتەی دەمارەكان و خوێن مەیین

6. قەڵەوی كە دەبێتە هۆی فشارێكی زیاتر لەسەر دەمارەكان

7. تەمەن: لەگەڵ تەمەن مەترسی تووشبوون بە دەوالی زیاتر دەبێت

8. دووگیانی: دەبێتە هۆی ئەوەی دەمارەكان زیاتر گەورە بن

نیشانەكانی نەخۆشی دەوالی:

1. ئازارو قورسبوونی قاچەكان

2. ئەستووربوون و گەورەبوونی قاچەكان

3. زیادبوونی ئازارو قورسبوون لەگەڵ زۆر ڕاوەستان و زۆر ڕێ كردن

4. خوران و مروژانی قاچەكان

5. ڕەنگی پێستەكە دەگۆڕێت بۆ قاوەیی یان مۆرێكی ناڕێك

جۆرەكانی نەخۆشی دەوالی:

1. تۆڕی جاڵجاڵۆكە: لەسەر شێوەی وردە دەماری سور یان شین دەردەكەوێت، بەزۆری لە ڕان و دەورووبەری چۆك و زیاتر لە ڕەگەزی مێ و ئەو كەسانەی كە بۆماوەیی هەیانە.

2. جۆری پەتك: ئەم جۆرە بە زۆری لە رەگەزی نێر هەیە وە دەبێتە هۆی ئەوەی بە تەواوی دەمارەكان دەركەون و پڕ خوێن ببن بە تایبەت لە كاتی ڕاوەستان تەنانەت نەخۆش خۆی دەتوانێت دەستنیشانی بكات.

مەترسی دەوالی:

1. برین و قورحەی پێست لە بەشی خوارەوەی قاچەكان.

2. خوێن مەیین و جەڵتەی دەمارەكانی قاچ.

3. نزیف و خوێن بەربوون لە كاتی كونبوون و تەقینی دەمارە گەورەبووەكان

بەرگری بۆ ئەوەی تووشی نەبین:

1. وەرزشكردن پێش تووشبوون دەبێتە هۆی بەرگری، بەڵام پاش تووشبوون دەبێتە هۆی ئازار

2. دابەزینی كێش دەبێتە هۆی ئەوەی فشاری زۆرو قورس لەسەر دەمارەكان نەمێنێت

3. خۆراكێك كە ڕیشاڵی زۆر بێت و خوێی كەم بێت دەبێتە هۆی كەمكردنەوەی دەوالی

4. لەبەرنەكردنی پێڵاوی بەرزو گۆرەوی تەسك بە تایبەت لە ئافرەتان كە دەبێتە هۆی دوالی

5. زۆر لەسەر پێ رانەوەستان و هەوڵدان كە ئیسراحەت بدرێتە دەمارەكان و بەرزكردنەوەی قاچەكان

چارەسەر:

1. رەچاوی هەموو ئەو ڕێنماییانەی كە دەبنە هۆی ئەوەی تووشی دەوالی نەبیت

2. چارەسەر بە نەشتەرگەری

3. چارەسەری لەیزەر: كە تازەترین ڕێگەیە بۆ دەوالی و بەبێ نەشتەرگەری و ڕێگایەكی زۆر باشە

4. رێگەی بەكارهێنانی (صمغی علاج) كە دەبێتە هۆی ئەوەی دەمارەكان دابخات ڕێگە نەدات خوێن كۆبێتەوەو ئەستوور بێت

5. رێگەی بەكارهێنانی دەرزی و دەرمانی گرژكردنەوەی دەمارەكان بە تایبەت ڕیشاڵە دەمارەكان و تۆڕی جاڵجاڵۆكەیی

(د. ئەكرەم كەریم مەحمود – پسپۆڕی نەشتەرگەری دڵ و لوولەكانی خوێن)

 

هه‌واڵی گرنگ