زیانەكانی خۆراكی ناتەندروست بڵاوكرایەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

زیانەكانی خۆراكی ناتەندروست بڵاوكرایەوە

 

 

بەر لە ڕۆژی سەلامەتی خۆراك، ئاژانسەكانی نەتەوە یەكگرتووەكان داوا دەكەن هەنگاو بنرێت بۆ دڵنیابوون لە نەمانی ژەهرەكانی كە لە خۆراكدا هەیەو ساڵانە دەبێتە هۆكاری مردنی سەدان هەزار كەس.

ڕاپۆرتێكی نەتەوە یەكگرتووەكان لەسەر ئاسایشی خۆراكی جیهان دەڵێت: لە ساڵی (2019) دا بەر لە بڵاوبوونەوەی (كۆڤید – 19) نزیكەی (690) ملیۆن كەس گرفتی برسێتی سەختیان هەبووە، هێشتا كاریگەری پەتاكە لەسەر ئاسیشی خۆراك نەزانراوە، لەگەڵ ئەوەشدا ڕاپۆرتەكە مەزەندەی دەكات بە (132) ملیۆن سەرباری ژمارەی پێشوو لە ساڵی (2020) دا بەهۆی داخستنەكان لە دەرئەنجامی (كۆڤید – 19) گرفتی كەم خۆراكیان هەبووە.

(دۆمەنیك بورجیۆن) بەڕێوەبەری ڕێكخراوی خۆراك و كشتوكاڵ لە جنێف وتی: خاوێنی خۆراك كلیلی كردنەوەی دەرگای ئاسایشی خۆراكە.

بەهۆی پیسبوونی خۆراك بە بەكتریاو ڤایرۆس و مشەخۆرو ژەهر یاخود پێكهاتەی كیمیاوی، هەموو ساڵێك (600) ملیۆن كەس تووشی نەخۆشی دەبن و لەكۆی (10) تووشبوو كەسێك دەمرێت، ئەمەش دەگاتە نزیكەی (420) هەزار كەس، لەگەڵ ئەوەشدا ئەوەی دەردەكەویت وەك لووتكەی شاخێكی سەهۆڵە لە دەریادا، ئاماری چاودێری گشتگیر بۆ نەخۆشیەكانی لە ڕێگەی خواردنەوە دەگوازرێتەوە لەهەموو جێگەیەك بەدەست نایەت.

سەرباری ئەمە ووتی: خۆراكی ناخاوێن دەبێتە هۆكاری گرفتی دارایی گەورە بۆ ئەو وڵاتانەی دەرامەتیان كەمە یان مامناوەندە، زیانەكان دەگاتە (90) ملیار دۆلار ساڵانە.

ئاژانسەكانی نەتەوە یەكگرتووەكان دەڵێن: ئاسایشی خۆراك بەرپرسیاریەتێكی هاوبەشە، تاكە كەس ڕۆڵی هەیە لە پاراستنی ئاسایشی خۆراك و پاراستنی تەندروستی خەڵكی.

بۆرجیۆن ووتیشی: ئەمە ئەوانەی خواردن بەرهەمدێنن و پیشەسازی و حكومەتەكان و كڕیاریش دەگرێتەوە، شێوەی هەڵگرتنی خواردن و لێنانی، بەدڵنیا‌ییەوە لە كێڵگەوە تا دەگاتە سەرمێزی خواردن، شێوەی دروستكردنی خۆراك و هەڵگرتنی، گواستنەوەی و ئەم بابەتانە.

ئاژانسەكانی نەتەوە یەكگرتووەكان دەڵێن : ئاسایشی خۆراك بریتیە لە پەیڕەوێكی گشتگیر لەبەرچاوگیراو، بەدانانی تەندروستی مرۆڤ و گیانداران و ڕووەك و ژینگە بەهەند، دەشڵێن : هەموو لایەنەكانی زنجیرەی دروستكردن و گەیاندنی خۆراك و پاراستنی بەباشی، هاریكار دەبێت لە ژیانێكی تەندروست و هەسارەیەكی تەندروست.

هه‌واڵی گرنگ