لەبارەی بەرزبونەوەی بەهای 100 دۆلار بۆ 300 هەزار دینار وەزارەتی دارایی عێراق ڕایدەگەیەنێت: بەهیچ جۆرێك 100 دۆلار بەرامبەر نابێت بە 300 000 دیناری عێراقی.
عەلی عەلاوی وەزیری دارایی عێراق بەمیدیا عێراقیەكانی ڕاگەیاند: بەرزبونەوەی بەهای 100 دۆلار بەرامبەر 300000 دیناری عێراقی دورە لەڕاستیەوەو گواستنەوەی ئەو جۆرە لێدوان و هەواڵە ناڕاستن.
ئەوەشی خستەڕوو: میدیاكان بۆ بڵاوكردنەوەی هەواڵ و زانیاری دروست، پشت بە سەرچاوەی فەرمی ببەستن و لە ڕێگەی نوسینگەی راگەیاندنی وەزارەتی دارایی و ماڵپەڕ و پەیجی فەرمی وەزارەتەكەیان ببەستن.