ئەگەر شەكر نەخۆین چی روودەدات ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئەگەر شەكر نەخۆین چی روودەدات ؟؟

 

 

مرۆڤ رۆژانە بە تێكرایی (300) كالۆری گەرمی لە خواردن و خواردنەوە شیرینەكانەوە وەردەگرێت كە ساڵانە دەكاتە (35) كیلۆ شەكر، بەڵام پزیشكان و پسپۆڕانی تەندروستی ئاماژە بەوە دەدەن ئەگەر مرۆڤ رۆژانە بڕێكی كەمی شەكر بخوات بەسێتی بۆ پڕكردنەوەی (٪50) ی هەموو پێداویستییەكانی لەشی بۆ كالۆری.

ئەمەش مانای ئەوەیە كەسێكی پێگەیشتوو پێویستە بەلایەنی زۆرەوە رۆژانە (25) گرام شیرینی بخوات، ئەوەش بریتیە لە شەش كەوچكی بچووكی چا یان پارچەیەك شیكۆلاتەی بچووك.

لە راپۆرتێكیشدا كە لە وەرزنامەی (بریتیش میدیكاڵ) دا بڵاوكراوەتەوە ئاماژە بەوە دراوە كە شەكر وەك توتن مەترسیدارەو بەشێكی كەمی شەكر باشە، بەڵام خواردنی شەكرو شیرینییەكان مەترسی گەورەیان هەیە لەڕووی تەندروستییەوە.

ئەی ئەگەر مرۆڤ واز لە شەكر بێنێت چی بەسەر لەشیدا دێت ؟؟

دڵ جارێكی تر بە رێكی لێدەدات

هەندێك دەڵێن: دڵ خۆشحاڵ دەبێت بە شیرینی و لێدانەكانی زیاتر دەبن، چونكە لە دوای خواردنی شیرینی لەش دەست دەكات بە دەردانی هۆرمۆنی ئەنسۆلین و دەمارەكان چاڵاك دەكات و پەستانی خوێن بەرز دەكاتەوەو تێكرای لێدانی دڵ زیاد دەكات، هەربۆیە بە بەردەوامی خواردنی شیرینییەكان كێشە لە سووڕی خوێن و كاری دڵدا دروست دەكات، كەواتە دوای ئەوەی مرۆڤ بەتەواوی واز لە بەكارهێنانی شەكرو شیرینییەكان دەهێنێت، دۆخی گشتی لەش رێك دەبێتەوەو دڵیش لێدانەكانی رێك دەبێتەوە.

ماڵئاوا زیپكەو پەڵە

دوای خواردنی بڕێكی كەمی شیرینی كۆلاجین كە پرۆتینی سەرەكی ناو ماسولكەو پێست و بەستەرەكانە بەیەكدا دەنووسێت، بەمەش پێست نەرمییەكەی لەدەست دەدات.

رزگاربوون لە شێواوی مەگێزو خەمۆكی و ترس

ئەگەر كەسێك زیادەڕۆیی كرد لە شیرینی خواردنداو بڕیاریدا واز لەو خووەی بهێنێت، لەشی بە هەمانشێوەی وازهێنان لە بەكارهێنانی مادە هۆشبەرەكان مامەڵە لەگەڵ ئەو گۆڕانكارییە دەكات، هەرچەندە بەردەوام بوون لە نەخواردنی شیرینی زۆر زەحمەتە، بەڵام ئەوە وا دەكات كەسەكە بە تەواوی لە دۆخی تێكچوونی مەگێزو خەمۆكی و ترس رزگاری ببێت.

خەوتن ئاسایی دەبێتەوە

كاتێك كەسێك زیادەڕۆیی دەكات لە شیرینی خواردندا، لەشی بە دەست بەرزبوونەوەی رادەی شەكر لە خوێنیدا دەناڵێنێت و ئەمەش وادەكات ئەو كەسە خەواڵوو بێت و هەمیشە حەز دەكات راكشێت و بخەوێت وەك ئەوەی ببورێتەوە.

كاتێك كە واز لە بەكارهێنانی شیرینی دەهێنێت، تێكڕای شەكر لە خوێنیدا بە نۆرماڵی دەمێنێتەوەو هیچ كێشەیەكی نابێت و لە شەوانیشدا خەوێكی قووڵی بێ كێشەی دەبێت، چونكە وەك پسپۆڕان ئاماژەی پێدەدەن، كەم خەوی چەند هۆكارێكی هەیەو یەكێكیان بەرزبوونەوەی رادەی شەكرە لە خوێندا، بە شێوەیەك شەكر ئاماژە دەدات بە مێشك بۆ كارو چاڵاكی و ئەوەش خەوی كەسەكە دەزڕێنێت.

دابەزینی كێش

كاتێك كەسێك واز لە شەكرو شیرینی دەهێنێت، كالۆری زیادەی نامێنێت و كێشی بە شێوەیەكی بەرچاو دادەبەزێت بە ماوەی شەش مانگ پینج كیلۆ گرام لەدەست دەدات.

كەشتی نووح

هه‌واڵی گرنگ