لە ركابەرییەكانی كۆمەڵەی یەكەم لەسەر یاریگای باكۆی ئۆڵۆمپی لە ئازربێجان هەردوو هەڵبژاردەی وێڵز و سویسرا بە گۆڵێك بۆ هەرلایەكیان بەرامبەر بوون.

لە گێمی یەكەم یاریزانانی هەردوو تیپ چەندین دەرفەتی ئاسانی گۆڵكردنیان لەدەستدا ئەم گێمەش بەیەكسان بوون بەبێ گۆڵ كۆتایی هات، لەگەڵ دەست پێكردنەوەی گێمی دووەم بە چوار خولەك بریل ئیمبۆلۆ گۆڵی پێشكەوتنی بۆ سویسرا تۆمار كرد، لەدوای ئەوەی وێڵز هەوڵی زۆریدا بۆ بەرامبەر كردنەوەی ئەنجامەكەو لەخولەكی 74 كیفر مۆر گۆڵی بەرامبەری بۆ وێڵز تۆمار كردەوە، یارییەكەش بەم ئەنجامە كۆتایی هات و هەریەكەیان خاڵێكی پێدرا.