سه‌باره‌ت به‌و كه‌سانه‌ی داوای دامه‌زراندن ده‌كه‌ن له‌ كۆمسیۆنی باڵای هه‌ڵبژرادنه‌كانی عێراق، كۆمسیۆن مه‌رجێكی نوێ زیاد ده‌كات بۆ وه‌رگرتنی ئه‌و كه‌سانه.‌
كۆمسیۆنی باڵای هه‌ڵبژاردنه‌كانی عێراق ڕایگه‌یاند: به‌ پشتبەستن بە دەقی بڕیاری ئەنجوومەنی كۆمیسیاران لە کۆمسیۆنی باڵای هەڵبژاردنەکان، ژمارە 4ی كۆنووسی ئاسایی ژمارە 17 لە 6/6/2021، بڕیاردرا بە:-
لە میكانیزمی هەڵبژاردنی فەرمانبەرانی دەنگدان بۆ هەڵبژاردنەكانی 2021ی ئەنجوومەنی نوێنەرانی عێراق كە پەسەندكراوە بە بڕیاری ئەنجوومەنی كۆمیسیاران ژمارە 6ی كۆنوسی ئاسایی ژمارە 13 لە 3/5/،2021، بڕگەی 4 لە بەندی چوارەمدا هاتووە، لە چوارچێوەی مەرجە داواكراوەكانی پێشكەشكردن بۆ كاركردن لە چوارچێوەی توێژی فەرمانبەرانی دەنگدان، هەموار كرایەوە و، بەم شێوەی لێهات: :دەبێت پێشكەشكار كارتی ئەلیكترۆنیی دەنگدەر یان پسوولەی نوێكردنەوەی داتا بایۆمەترییەكانی هەبێت".