سەرۆكی شارەوانی هەولێر ڕایدەگەیەنێت بە گوژمەی 2 ملیارو 100 ملیۆن دۆلار پڕۆژەی خزمەتگوزاری لە هەولێر جێبەجێ دەكرێت.
عەبدولواحید ئەحمەد سەرۆكی شارەوانی هەولێر ڕایگەیاند: دوای ئەوەی وەك سەرۆكایەتی شارەوانی هەولێر دەرخستەمان ئاڕاستەی وەزارەتی شارەوانی كرد، بۆ جێبەجێ كردنی چەند پڕۆژەیەكی خزمەتگوزاری لەناو شاری هەولێر، كە تێچووی گشتی پڕۆژەكان 2 ملیارو 100 ملیۆن دۆلار زیاترە، بۆ مەودای كاركردنەكەش زیاتر ئەو گەرەكانەمان دەست نیشانكردوە كە كەمدەرامەت و هەژارنشینن.
سەرۆكی شارەوانی هەولێر گوتیشی: گەر بەراوردیك بكەین لەنێوان بەشی باكورو باشوری هەولێر ئەوا بۆمان دەردەكەوێت كە بەشی باكوری هەولێر دۆخی باشترە لەڕووی خزمەتگوزاریەكان، بەڵام باشوری هەولێر زیاتر پێویستی بە خزمەتگوزاری هەیە، بۆیە بەڕێژەی %60 ی پڕۆژەكان دەكەوێتە بەشی باشوری هەولێر، %40 یشی لە سنوری باكوری هەولێر جێبەجێ دەكرێت.