بەهۆی نەخۆشی هاری هاوردەکردنی سەگ لە 100 وڵاتەوە بۆ ئه‌مریكا قەدەغەکرا
بەهۆی مەترسی نەخۆشی هاری سەگ، ئەمریکا بۆ ماوەی ساڵێک هاوردەکردنی سەگی لە زیاتر لە ١٠٠ وڵاتەوە قەدەغە کرد کە بۆ مەبەستی جۆراوجۆر هاوردەی دەکردن.
ئه‌مرۆ سێ شه‌ممه 15 ی حوزه‌یرانی 2021 ناوەندی کۆنترۆڵ و بەرگرتنی نەخۆشی لە ئەمریکا، ئاماژەی بەوە کرد کە ئەو سەگانەی لە زیاتر لە ١٠٠ وڵاتەوە هاوردە دەکرێن کە هێشتا نەخۆشی هاری سەگ تیایاندا کێشەیە، بەهۆی پێویستی وەرگرتنی ڤاکسینی دژی نەخۆشیەکە و سەگەکانیش کە بەهۆی بچووکیانەوە ناتوانرێت ڤاکسینیان بۆ بەکابهێنرێت، بۆ ماوەی ساڵێک هاوردەکردنیان قەدەغە کردووە.
هەروەها بەهۆی خێرا بەرزبوونەوەی ژمارەی ئەو بێچووە سەگانەی لە ماوەی رابردوودا براونەتە ئەو وڵاتە بڕیار دراوە، لەبارەی ئەوەی ئەگەر ئەو هاووڵاتییە ئەمریکیانەی سەگەکانی خۆیان بردە ئەو وڵاتانە، هەتا شەش مانگ لە سێیەم وڵات بەسەر نەبات کە نەخۆشی هاری سەگیان تیادا نییە، ناهێڵێت بهێنرێنەوە ناو وڵاتەکەیان.
باس لەوەش کراوە ،بەمەبەستی دڵنیابوون لە تەندروستی ئەو سەگانە کە بەمەبەستی فرۆشتن یان بەخێوکردن هێنراونەتە ئەمریکا ئەو بڕیارە دەرکراوە و لە ١٤ی تەمووزی داهاتووەوە دەچێتە بواری جێبەجێکردنەوە.
بەرپرسانی ئەمریکا ئاماژه به‌وه‌ده‌كه‌ن،کە ساڵانە نزیکەی یەک ملیۆن سەگ دەهێنرێتە ئەو وڵاتەوە و چاوەڕوان دەکرێت بەهۆی ئەو بڕیارەوە، بەدرێژایی ساڵێک رێژەی هاوردەکردنیان لە سەدا ٤ بۆ ٧،٥ کەمبکرێتەوە.
