ڤایرۆسێكی مەترسیدار لە عێراق دەركەوتووە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ڤایرۆسێكی مەترسیدار لە عێراق دەركەوتووە

 

 

وەزارەتی تەندروستی و ژینگەی عێراق هۆشداری لە بڵاوبوونەوەی نەخۆشییەكی دیكەی ڤایرۆسی بەناوی تای خوێنبەربوون دەدات كە لە ئاژەڵەوە بۆ مرۆڤ دەگوازرێتەوەو ڕوونیشی كردۆتەوە هیچ چارەسەرو ڤاكسینێكی نییەو تا ئێستا سێ كەس بەو نەخۆشییە مردوون.

وەزارەتی تەندروستی و ژینگەی عێراق لە بەیاننامەیەكدا ئاماژەی بەوە كردووە، لە دوو هەفتەی ڕابردوودا نەخۆشییەكی ڤایرۆسی بەناوی (تای خوێنبەربوون) بڵاوبۆتەوە، كە بەهۆیەوە سێ كەس مردوون، یەكێكیان لە بەغداو دوو كەسەكەی تر لە زیقار بوون و گومانی دوو حاڵەتی هاوشێوە لە ئەنبار دەكرێت.

ڕاشیگەیاندووە، ئەو نەخۆشییە ڤایرۆسییە هیچ چارەسەرێك و ڤاكسینێكی نییەو بەڕێژەی شەست لە سەدا دەبێتە هۆی مردنی كەسی تووشبوو.

لای خۆیەوە (هەیسەم عوبێدی) بەڕێوەبەری بەشی بەرگری جەستەیی لە وەزارەتی تەندروستی بە ڕۆژنامەی عێراقیەی فەرمی ڕاگەیاندووە، بەهۆی نزیك بوونەوەی جەژنی قوربانەوە پێویستە زۆر بە وریایی و هۆشدارییەوە هاوڵاتیان مامەڵە بكەن لەگەڵ نەخۆشی ڤایرۆسی تای خوێنبەربوون مەترسیدارەو نەخۆشییەكی گوازراوەیە.

ئاماژەی بەوەشكردووە، كەسی تووشبوو، تووشی تایەكی بەرزو خوێنبەربوون و هەستیاری دەكات و ئەو دۆخەی بۆ ماوەی دە رۆژ بەردەوام دەبێت، زۆربەی كاتیش ئەوانەی تووشی ڤایرۆسەكە دەبن بەڕێژەی شەست لە سەدا ئەگەری مردنیان هەیە.

 

هه‌واڵی گرنگ