لەبارەی کۆچبەرانەوە هۆشداری دەدرێتە عێراق و تورکیا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

لەبارەی کۆچبەرانەوە هۆشداری دەدرێتە عێراق و تورکیا

وەزیری دەرەوەی لیتوانیا کەهەفتەی رابردو بەسەردانێک گەیشتە بەغدا رایگەیاند، سەبارەت بە پرسی کۆچبەران لەگەڵ بەرپرسانی عێراق و تورکیا کۆبوونەتەوە و هۆشدارییانداوە کە وڵاتەکەیان بەهیچ شێوەیەک رێگە بەتێپەڕبوونی کۆچبەری نایاسایی نادات بۆ ئەوەی وڵاتەکەی بۆ گەیشتن بە وڵاتانی یەکێتی ئەوروپا بەکاربهێنرێت و سەرجەمیان دەگەڕێندرێنەوە.
 
لەمبارەیەوە لاندسپێرگیس، وەزیری دەرەوەی لیتوانیا لەلێدوانێکدا رایگەیاندوە: ئامانجی سەردانەکەی هەفتەی رابردوویان بۆ بەغدا و ئەنقەرە بەمەبەستی دروستکردنی هەماهەنگی بووە لەگەڵ بەپرسانی ئەو وڵاتانە سەبارەت بە پرسی کۆچبەران، چونکە حکومەتی وڵاتەکەی سەرجەم کۆچبەرە نایاساییەکان کە لەبیلاڕوسیاوە هاتوونەتە لیتوانیا دەستگیردەکات و دەیانگەڕێنێتەوە وڵاتەکەیانی خۆیان.
 
هاوكات لیتوانیا سەبارەت بە هاتنی هەزاران کۆچبەری رۆژهەڵاتی ناوەڕاست لەرێگەی سنورەکانییەوە بۆ ناو یەکێتی ئەوروپا، بیلاڕوس تۆمەتبار دەکات بەوەی ئاسانکاری بۆ کۆچبەران دەکات و وەک کارتێکی فشار بەرامبەر ئەو سزا ئابوریانە بەکاریدەهێنێت، کە یەکێتی ئەوروپا بەسەر وڵاتەکەیدا سەپاندونی.

هه‌واڵی گرنگ