گروپێكی چه‌كداری سه‌ر به‌ ره‌وت سه‌در نمایشی سەربازیی فراوانیان ئەنجامدا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

گروپێكی چه‌كداری سه‌ر به‌ ره‌وت سه‌در نمایشی سەربازیی فراوانیان ئەنجامدا

شه‌وی رابردوو، چەکدارانی "الیوم الموعود" سەر بە هێزی سەریا سەلامی رەوتی سەدر، نمایشێکی سەربازیان لە نەجەف ئەنجامداو، چەند شەقامێکی سەرەکی لە ناوەڕاستی شاری کوفەیان گرتووە.
میدیا عێراقییەکان بڵاویانكرده‌وه‌، شەوی رابردوو چەکدارانی "الیوم الموعود" سەر بە هێزی سەریا سەلامی سەر بە رەوتی سەدر نمایشێکی سەربازیان لە نەجەف ئەنجامدا، وەک ئامادەییەکی ئەو هێزە لە رۆژانی جەژنی قوربان بۆ پێشوازیكردن له‌ میوانانی نەجەف.
میدیاكان ئاماژەیان بەوەشکردووه‌، نمایشە سەربازییەکە چەند کاتژمێرێک بەردەوام بووەو، چەند شەقامێکی سەرەکی لە ناوەڕاستی شاری کوفەیان گرتووەو، چەکداره‌كان لە هەموو شوێنێکی پارێزگاکە بڵاوبوونەتەوە.
چەکدارانی "الیوم الموعود" به‌ فەتوایەکی تایبەتی موقتەدا سەدر سەرۆکی رەوتی سەدر لە ساڵی 2008دا بۆ بە گژداچوونەوەی سوپای هاوپەیمانان دامه‌زراو، لە ئێستاشدا بەهۆی گەورەی ئەم گروپەوە بە لیوای "الیوم الموعود" ناسراون.

هه‌واڵی گرنگ