کۆمسیۆنی هەڵبژاردنەکانی عێڕاق ڕوونکردنەوە دەدات
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

کۆمسیۆنی هەڵبژاردنەکانی عێڕاق ڕوونکردنەوە دەدات

کۆمسیۆنی باڵای سەربەخۆی هەڵبژاردنەکانیی عێڕاق گرنگترین تایبەتمەندییەکانی کاغەزی دەنگدانی هەڵبژاردنەکانی داهاتووی ئاشکرا کرد و ڕایگەیاند، کۆد و هێماکانی سەر کاغەزکە بەهیچ شێوەیەک ساختە ناکرێن و لەڕێگەی تیشکی ژێربنەوشەییەوە نەبێت ئەستەمە بخوێنرێتەوە.    

لەمبارەیەوە عەباس سەباح، بەڕێوەبەری نوسینگەی هەڵبژاردنی بەشی ڕەسافەی شاری بەغدا بە ئاژانسی هەواڵی فەرمیی عێراقی ڕایگەیاند: "کاغەزی دەنگدانی هەڵبژاردنەکانی داهاتوو کۆمەڵێک تایبەتمەندی تێدایە کە ئەستەمە بتوانرێت ساختە بکرێت".  

ناوبراو ئاماژەی بەوەش كردووە:"کۆدی تایبەت بە کاغەزەکە زۆر جیاوازە و بەهیچ شێوەیەک دووبارە نابێتەوە و کۆپێش ناکرێت، چونکە لەکاتی کۆپیکردنی ئامێرە ئەلیکترۆنی دەنگدان بە ئاسانی دەیدۆزێتەوە و ئاشکرای دەکات".  

وتویەتیشی: "هەر کاغەزێکی دەنگدان دەبەسرێتەوە بە کامێرای دڵنیابوون ڕاست و دروستی کەسایەتی دەنگدەر ودەبەسرێتەوە بە کۆدی تایبەتی ئەو دەنگدەرە".  

ئەوەشی وتوە:"ئەو پێنوسەی کە دەنگدەر بەکاری دەهێنێت بۆ دەنگدان زۆر تایبەتە و مەرکەبێکی نهێنی تێیدایە و نوسینی سەر کاغەزەکەش تەنها لەڕێگەی تیشکی ژێر وەنەوشەییەوە دەبینرێت و دەخوێنرێتەوە".  

ئەوەشی خستۆتەروو: "هیچ پێنوسێکی دیکە جگە لەو پێنوسەی کە تەرخانکراوە، ناتوانرێت بەکاربهێنرێت بۆ نوسین لەسەر کاغەزی دەنگدانەکە، پێنوسەکەش تایبەت بۆئەو مەبەستە لە وڵاتی ژاپۆن دروستکراوە".  

هه‌واڵی گرنگ