6 شیرەت بۆ وان کەسێن حەز ژ خوارنا گۆشتی دکەن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

6 شیرەت بۆ وان کەسێن حەز ژ خوارنا گۆشتی دکەن

ل رۆژێن جەژن و بێهنڤەدان، ب تایبەت ل جەژنا قوربانی، خەلک پتر ژ رۆژێن ئاسایی گۆشتی دخۆت و نوشدارەک چەندین شیرەتان دەربارەی خوارنا گۆشتی ددەت.

موستەفا ساری، نوشدارێ بسپۆرێ خوارنێ و چارەسەریا قەلەویێ چەندین شیرەتان دەرباری خوارنا گۆشتی ددەت و دبێژیت: خەلک ل رۆژێن جەژنا قوربانی زێدەتر ژ رۆژێن ئاسایی گۆشتی دخۆن، لەورا پێدڤیە شەش خالان ل بەر چاڤ وەربگرن.

ئەو نوشدار دبێژیت: پێدڤیە ئەو کەسێ گۆشتی دخۆت، بزانیت چ جۆرێ گۆشتی یە و چەند کالۆری تێدانە، ژبەر کو رێژەیا کالۆریان د گۆشتێ گۆلک و چێلان، ژ گۆشتێ بەرخی جودایە و رێژەیا پرۆتینان ژی د گۆشتێ گۆلک و چێلان دا پترە ژ رێژەیا وێ د گۆشتێ بەرخی دا، لێ هەرسکرنا وی ب سانەهیترە.

دیار ژی دکەت: رێژەیەکا مەزن یا ڤیتامین و کانزایان د هەردو جۆرێن گۆشتی دا هەنە، لێ چەوانیا چێکرنا گۆشتی کارتێکرنێ ل مفا و زیانێن وی دکەت و ئەگەر گۆشت بهێتە کەلاندن و ئەو ئاڤا ل بەر بهێتە رێشتن، زیانێن گۆشتی کێم دبن.

هەروەسا دبێژیت: رێژەیا چەوری د رانێ بەرخی و گۆلکی دا کێمترە ژ رێژەیا وی د پارچەیێن دی یێن گۆشتی دا، لەورا خوارنا رانی زیانێن وێ کێمترن و گرنگە ل دەمێ کەسەک گۆشتی دخۆت، رێژەیەکا باش یا کەسکاتی ژی ل گەل بخۆت داکو ڤیتامینێن د ناڤ کەسکاتی دا بشێن رێژەیەکا وی چەوریێ د ناڤ گۆشتی دا بکێشنە خۆ.

ساری ئاماژە دایە وێ یەکێ ژی کو پێدڤیە رێژەیەکا مەزن یا گۆشتی ل سەر ئێک نەهێتە خوارن و ئەو کەسێ گۆشتی دخۆت، پێدڤیە پشتی خوارنێ بلڤلڤیت و نەمینیتە د جهێ خۆ دا داکو خوارن ب سانەهیتر بهێتە هەرسکرن.

 

هه‌واڵی گرنگ