بەهۆی تەشەنەسەندنی كۆڕۆنا بڕیاری نوێ‌ دەدرێت، قەدەغەی هاتوچۆ دەگەڕێتەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەهۆی تەشەنەسەندنی كۆڕۆنا بڕیاری نوێ‌ دەدرێت، قەدەغەی هاتوچۆ دەگەڕێتەوە

 

 

بەپێی ئەو ئامارنەی وەزارەتی تەندروستی عێراق بڵاویان دەكاتەوە، دۆخی بڵاوبوونەوەی ڤایرۆسی كۆڕۆنا زۆر خێرا بووە، بەتایبەتی لەم هەفتانەی كۆتایی.

وەزارەتی تەندروستی ناوی لەم شەپۆڵەی بڵاوبوونەوەی كۆڕۆنا ناوە شەپۆڵی سێیەم، بۆ ئەو مەبەستە بە چەند بڕیارێك پڕۆژە پێشنیارێكی ئاڕاستەی لێژنەی باڵای سەلامەتی نیشتمانی كردووە.

بەپێی نووسراوێكی وەزارەتی تەندروستی عێراق، بەهۆی هەڵكشانی بێشوماری ژمارەی تووشبووان بە ڤایرۆسی كۆرۆنا دوو بژاردە خراوەتە بەردەم لێژنەی باڵای تەندروستی و سەلامەتی نیشتمانی ئەنجوومەنی وەزیران، كە گرنگترینیان بریتییە لە قەدەغەی هاتووچۆ بۆ ماوەی (2) هەفتەو تا كۆتایی ئەم مانگەو داخستنی سنوورەكان لەبەردەم هاتووچۆی گەشتیاران.

هەر بەپێی نووسراوەكە، بڕیار دراوە بە داخستنی قوتابخانەو زانكۆو پەیمانگا حكومی و ئەهلییەكان بۆ ماوەی 30 ڕۆژ لە 18ی ئەم مانگەوە تاوەكو 16ی مانگی ئابی داهاتوو لەگەڵ پەیڕەو كردنی خوێندنی ئەلیكترۆنی.

وەك لە بڕیارەكەدا هاتووە، قەدەغەكردنی هاتووچۆی نێوان پارێزگاكان و ڕێگری لە كۆبوونەوەی هاوڵاتیان و داخستنی مزگەوتەكان و شوێنی پەرستشی هاوڵاتیان بۆ ماوەی ئەو مانگە.

لە نووسراوەكەدا جەخت لە كەمكردنەوەی دەوامی فەرمانگەكان بەڕێژەی (25%) كەمكراوەتەوە.

وەزارەتی تەندروستی لە بەیاننامەیەكدا جەختی لەو بڕیارانە كردۆتەوەو ڕایگەیاندووە، ئەو بڕیارانە خراونەتە بەردەم لیژنەی باڵای تەندروستی و سەلامەتی نیشتمانی لە ئەنجوومەنی وەزیران، چونكە دۆخەكە پێویستی بە ڕێكاری توند هەیە بەتایبەت ئەگەر كۆرۆنا بەرەو هەڵكشانی زیاتر بچێت.

ئەمە لەكاتێكدایە، كە بەپێی ئامارەكانی وەزارەەتی تەندروستی عێراق ڕۆژانە (8 بۆ 10) هەزار كەس تووشی كۆرۆنا دەبن و زیاتر لە (30 بۆ 40) كەس گیان لەدەست دەدەن.

 

هه‌واڵی گرنگ