كۆریای باكوور و كۆریای باشوور په‌یوه‌ندی نێوانیان ئاسایی ده‌كه‌نه‌وه‌
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كۆریای باكوور و كۆریای باشوور په‌یوه‌ندی نێوانیان ئاسایی ده‌كه‌نه‌وه‌

ماوه‌یه‌كه‌ سه‌رۆكی هه‌ردوو وڵاتی كۆریای باشوور و كۆریای باكوور هه‌وڵه‌كانیان بۆ ئاساییكردنه‌وه‌ی په‌یوه‌ندییه‌كانیان ده‌ستپێكردووه‌، له‌م چوارچێوه‌یشدا هه‌ردوو وڵات بڕیاریانداوه‌ تەواوی کەناڵەکانی پەیوەندیی نێوانیان بکەنەوە.
سکرتێری سەرۆکایەتی کۆریای باشوور بۆ پەیوەندییە گشتییەکان ڕایگەیاند: ھەردوو کۆریا بڕیاریان داوە تەواوی کەناڵەکانی پەیوەندیی نێوانیان بکەنەوەو، دووپاتیانکردۆتەوە کە ھەنگاوی پێویست دەنێن بۆ گەڕاندنەوەی متمانەی نێوانیان و باشکردنی پەیوەندییەکانیان.
سکرتێری سەرۆکایەتی کۆریای باشوور وتیشی: لە مانگی نیسانەوە "کیم جۆنگ ئون" سەرۆکی کۆریای باکوور و "مون جی ئن" سەرۆکی کۆریای باشوور ھەوڵەکانیان بۆ گەڕاندنەوەی پەیوەندییەکانیان و، گەڕانەوە بۆ مێزی دانوستان دەستپێکردووە لە پێناو گەڕانەوەی پڕۆسەی ئاشتی لە نێوانیاندا.

هه‌واڵی گرنگ