بەرەیەکێ دی یێ سیاسی خۆ ژ هەلبژارتنێن ئیراقێ ڤەکێشا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەرەیەکێ دی یێ سیاسی خۆ ژ هەلبژارتنێن ئیراقێ ڤەکێشا

ئەڤرۆ بەرەیێ "الحوار الوطني" یێ ئیراقی خۆ ژ هەلبژارتنێن ئەڤ سالە یێن پەڕلەمانی ڤەکێشا و راگەهاند: هەلبژارتن چ گوهۆڕینان چێناکەن.

بەری نوکە رێبەرێ رەوتێ سەدر موقتەدا سەدر و پارتیا شیۆعی یا ئیراقی بایکۆتا هەلبژارتنێن پێشوەخت یێن پەڕلەمانی راگەهاندیە.

بەرەیێ "الحوار الوطني" کو سالح موتلەگ سەرۆکاتیا وی دکەت، ئەڤرۆ د بەیانەکێ دا راگەهاند: د هەلبژارتنێن سالا 2018 یێن پەرلەمانێ ئیراقێ دا رێژەیا پشکداریێ گەلەک یا کێم بوو و رێژەیا سەختەکاریێ گەلەک یا زێدە بوو، لەورا هەلبژارتن دەرئەنجامێ خواستا گەلێ ئیراقێ نەبوون.

هەروەسا دیار کریە: وان باوەری نینە ژبەر چەکێ د دەست گرۆپێن میلیشیا دا هەلبژارتنێن ئەڤ سالە ژی ببنە ئەگەرێ گوهۆڕینێن ئەرێنی، لەورا وان بریارا بایکۆتا هەلبژارتنان دایە و ل رۆژا 10/10/2021 پشکداری هەلبژارتنان نابن.

هه‌واڵی گرنگ