گێلاسی هیندی زیاتر (ڤیتامین – C) ی تێدایە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

گێلاسی هیندی زیاتر (ڤیتامین – C) ی تێدایە

 

 

گێلاسی هیندی ئەو میوە خولگەیەیە كە بڕێكی زۆر زیاتر لە ترشەمەنییەكانی تر (ڤیتامین – C) تێدایەو ئەمەش وایكردووە ببێتە جێگەی سەرنجی توێژەرەوەكان.

هەرچەندە كێوی و لیمۆو پرتەقاڵ لەو میوە بەناوبانگانەن كە بڕێكی زۆری (ڤیتامین – C) یان تێدایە، بەڵام توێژینەوە زانستییەكان دەریانخستووە میوەی خولگەیی ناسراو بە (گێلاسی هیندی) كە بە قەبارە بچووكە، بەڵام ناوكەكەی چەندین بەرابەری ئەو میوانەی تر (ڤیتامین – C) تێدایە.

گێلاسی هیندی بەری درەختێكە بە ناوی (مالبیگیا گلابرا) كە لە دارستانەكانی ئەمریكای لاتین و ناوەڕاست و ناوچەی دەریای كاریبی دەڕوێت و پێشی دەوترێت گێلاسی دورگەی ئەنتیل یان گێلاسی بەرازیلی، ئەو میوەیە یان بە تازەیی دەخورێت یان دەكرێت بە مرەبا.

هەموو (100) گرام لەو میوەیە بڕی (677) میلیگرام (ڤیتامین – C) تێدایە كە ئەمەش بڕێكی زۆرە بەبەراوورد بەوەی لە ترشەمەنییەكانی تردا هەیە بە جۆرێك یەك میوەی گێلاسی هیندی (30 – 40) هێندەی ئەو (ڤیتامین – C) یەی تێدایە كە لە پرتەقاڵێكدا هەیە.

ئەوانەی توێژینەوەیان لەسەر گرنگی (ڤیتامین – C) كردووە لە وتارێكیاندا كە لە گۆڤاری ( فیمینا) ی فەرەنسییدا بڵاویانكردۆتەوە لە بارەی ئەو خۆراك و میوانەی كە زۆرترین بڕی (ڤیتامین – C) یان تێدایە، جگە لە گێلاسی كە دەوڵەمەندترین میوەیە بەو ڤیتامینە كە ڕۆڵی سەرەكی هەیە لە ئەركی كۆئەندامی بەرگری لەشی مرۆڤ و چاڵاكی دەكاتەوە، لە رێگەی چاڵاكردنەوەی خرۆكە سپییەكان، هەروەها توخمێكی گرنگی دژە ئۆكسانەو لەش دەپارێزێت كاتێك تووشی نەخۆشییەكی ڤایرۆسی یان بەكتریایی دەبێت و زۆر گرنگیشە بۆ مژینی مادەی ئاسن، ئاماژەیان بەوەداوە كە پێویستە هەموو كەسێك رۆژانە (100) ملیگرام لەو میوەو سەوزانە بخوات بۆ ئەوەی لەو ڤیتامینەی دەستبكەوێت.

هەروەها گۆڤارەكە لیستێكی بۆ ئەو میوە زۆر تایبەتانە داناوە كە بڕێكی تەواو (ڤیتامین – C) دەبەخشن و گێلاسی هیندی لەسەرەوەی ئەو لیستەدایە كە لە شێوەی هەڵوژەی سووردایەو دوای ئەویش سێوی كاجۆیە كە رەنگی وەك سێوی سوورەو شێوەی زۆرتر لە هەرمێ دەچێت، دوای ئەویش جەوافەیە كە ئەمیش شێوەی لە نێوان هەرمێ و لیمۆدایە، بەڵام لەكاتی لەتكردندا ناوەكەی یان سوورە یان سپی و وەك تەماتە تۆوی وردی تێدایە، پاشان میوەی (بلوبێری) ە كە لە شێوەی گۆیژدایە، بەڵام ئەمیان رەشەو دوای ئەوانیش (كالی) یە كەلە خێزانی سەوزە گەڵا پانەكانەو گەڵایەكی سەوزی هەیە لە نێوان سڵق و كەلەرم و بروكلیدایەو پاشان میوەی كەلەرمی برۆكسلە كە هێندەی گوێزێك یان تەماتەیەكەو شێوەی دەرەوەی لە كەرم دەچێت، بەڵام سفتترە، دوای ئەویش (لونجان) ە كە ئەمیش میوەیەكە شێوەی دەرەوەی لە گوێز دەچێت رەق و سفتەو لەكاتی پاككردنیدا لە ناوەوە دوو بەشە بە شێكیان سپی و نەرمەو دەنكەكەشی رەشە، لە شێوەی سپێنەی چاوو رەشێنەدایەو لە چین پێی دەوترێت (چاوی ئەژدیها)، دوای ئەوانیش ئاماژە بە هەریەك لە كیوی و پرتەقاڵ و هەندێك سەوزەو میوەی تر دراوە.

 

كەشتی نووح

هه‌واڵی گرنگ