سپێدەهیا ئەڤرۆ گورگەک دکەڤیتە ناڤا پەزێ وەلاتیەکێ گوندێ بانیێ ل سنورێ قەزا ئامێدیێ ونێزیکی ١١ گیسکان دکوژیت و پێنجان ژی برینداردکەت .
حجی مکائیل خۆدانی وی پەزی ڕاگەهاند، دەما کو سپێدێ زووی چویمە د هەوارا پەزێ خۆ من دیت کو گورگ کەتیە ناڤا گیسکاندا و ١١ کوشتینه وچەندێن دی ژی بریندارکرینە وئەڤە سێیەم جارە گورگ دکەڤیتە ناڤا پەزێ من .
وی وەلاتی ئاماژە ب وێیەکێ ژی کر، زێدەباری ڤان زیانێن گیانەوەرێن درندە دگەهینە مە، نکارین بکوژین ژبەرکو دێ هێینە سزادان ژئالیێ پۆلیسێن ژینگەهێ ڤە.
ئەڤ سالە زێدەتر ژهەر سالەکێ گیانەوەرێن کیڤی یێن درندە ل نێزیک گوندێن ئاڤەدان دهێنە دیتن، بسەدەمێ شەڕێ تورکیا و پەکەکێ ژدەڤەرێن شەڕی هاتینە نێزیکی دەڤەرێن ئاکنجیبوونا وەلاتیان.