دوای دانانی بۆسەیەك بۆ ئەندامانی رێكخراوی داعش لە كەركوك، شەڕ لەنێوان ئەو رێكخراوە و پۆلیسی فیدراڵی روویدا و لە ئەنجامدا چەكدارێك كوژراو یەكێكی تر بریندار كرا.
شانەی راگەیاندنی ئەمنی عێراقی بڵاویكردووەتەوە، پێكدادانێكی راستەوخۆ لەنێوان پۆلیسی فیدراڵی و چەكدارانی داعش لە گوندی "سەفیرە"ی سەربە ناحیەی رەشاد لە كەركوك روویداوە.
رونیشكراوەتەوە، ئەوەش دوای دانانی بۆسەیەك بووە بۆ ئەو چەكدارانە و لە ئەنجامدا چەكدارێك كوژراوە و یەكێكی تر بریندار بووە.
شانەكە ئەوەشی ئاشكرا كردووە، دوای پێكدادانەكەش هێزە ئەمنییەكان دەستیان كردووە بە گەڕان بەدوای چەكدارە بریندارەكەی داعشدا.