ئەمڕۆ چوار شەممە بەشێك لە هاوڵاتیانی هەولێر بەهۆی بێ ئاوییەوە گردبونەوەو چونەسەر شەقامی 100 مەتری هەولێرو لەكاتی ڕوماڵی خۆپیشاندانەكە هێرشكرایە سەر تیمی سپێدە.

پەیامنێری كوردیو لە هەولێرەوە پێی ڕاگەیاندین: ئەمڕۆ چوار شەممە بەشێك لە هاوڵاتیانی گەرەكی باداوە لە هەولێر بەهۆی بێ ئاوییەوە گردبونەوەو چونەسەر شەقامی 100 مەتری هەولێرو بەو هۆیەوە هاتوچۆیان لەشەقامەكە ڕاگرت.

ئەوەشی خستەڕوو: لەكاتی ڕووماڵی خۆپیشاندانی ئەو هاوڵاتیانە لەلایەن موختاری گەرەكی باداوە هێرشكراوەتەسەر تیمی كەناڵی ئاسمانی سپێدەو گرژی و ئاڵۆزی دروست بووە.

لەو بارەیەوە كارمەندێكی كەناڵەكە ڕایگەیاند: دیكتاتۆر ئەوەیە ئاو نەدەیت بە خەڵك و نەشهێلی خۆپیشاندان بكەن، هێرش دەكرێتە سەر تیمی سپێدە لەكاتی روومالی خۆپیشاندانی دانێشتوانی گەرەكی باداوە.