ئه‌و كه‌سێن گه‌له‌ك خۆارنێ دخۆن و قه‌له‌و نه‌بن چ نه‌خۆشى هه‌یه ؟
د. سیپان سه‌ربه‌ست حاجى، نوشدارى تایبه‌تمه‌ندێ نه‌خۆشیێن دل و هناڤا ل دهۆكێ دیاركر:
زێده كاركرنا په‌ریزادى ئێشه‌كا گه‌له‌ك به‌ربه‌لاڤه ل ده‌ڤ ژن و زه‌لامان په‌یدابیت لێ پتر ژن تووشى ڤێ نه‌خۆشى بن".
د. سبپان سه‌ربه‌ست حاجى، نۆشدارێ تایبه‌تمه‌ندێ نه‌خۆشێن دل و هناڤا ل دهۆكێ ئاشكه‌را كركو ئه‌و كه‌سێن تووشى نه‌خۆشیا په‌ریزداى دبن هه‌ست ب وه‌ستیانه‌كا مه‌زن دكه‌ن، هه‌روه‌سا دلقوتان وله‌رزینا ده‌ستان ده‌ڤ وان دروست دبیت ئه‌و نه‌خۆش حه‌ز دكه‌ن هه‌رده‌م ل جهه‌كێ سار و فێنك بن و دبیت زكچوون ژى ل ده‌ڤ وان په‌یداببیت، به‌لێ تشتێ گه‌له‌ك مشه دگه‌ل وان نه‌خۆشان ده‌مێ تووشى ڤێ نه‌خۆشى دبن كو نه‌خۆش گه‌له‌ك خوارنێ دخۆت وكێشا وان زێده نابیت، به‌لكو كێشا وان دهێته خوار، چونكو ئه‌ڤ نه‌خۆشیه گه‌له‌ك ئاسانه كو زوو بهێته ده‌ستنیشان كرن و چاره‌سه‌ریا وێ ژى هه‌یه ونه‌یا بزه‌حمه‌ته، به‌لێ پێدڤیه ئه‌و كه‌سێن ئه‌ڤ نیشانه ده‌ڤ دیاردبن قه‌ستا نه‌خۆشخانێ بكه‌ن.
تایبه‌تمه‌ندێ نه‌خۆشیێن دل و هناڤا ل دهۆكێ ئه‌وژى خۆیا كركو ئه‌و كه‌سێن گه‌له‌ك خۆارنى دخۆن و سه‌نگا وان كێم دبیت و دلقوتان وله‌رزینا ده‌ستان هه‌بیت دگه‌ل چه‌ند نیشانێن دێ پێدڤیه خۆ گێرۆنه‌كه‌ن و زوو قه‌ستا نوشدارێن تایبه‌تمه‌ند بكه‌ن، چونكو هه‌كه گیرۆببیت و زوو چاره‌سه‌ریا خوه نه‌كه‌ت دێ سه‌نگا وان ئێكجار كێم بیت، به‌لێ نه‌خۆشیا په‌رێزادى ل سه‌ر ژیانا مرۆڤى نینه دهنده‌ك حاله‌تان دا زێده كاركرنا په‌رێزادێ مه‌ترسیێ دئیخیته سه‌ر ژیانا مرۆڤى ئه‌وژى حاله‌تێن كێم هه‌نه لێ زێده كاركرنا په‌ریزادێ مه‌ترسیێ ل سه‌ر ساخله‌میا مرۆڤى دروست دكه‌ت.
د. سیپان سه‌ربه‌ست، ته‌كه‌زكركو زێده كاركرنا په‌ریزادێ دبیته ئه‌گه‌رێ بلندبوونا فشارا خوینێ ودبیت ببیته ئه‌گه‌رێ زێده لێدانا دلى ب تایبه‌تى ژى ل ده‌ڤ كه‌سێن دانعه‌مر، له‌ورا ژى ئه‌م ئاموژگاریان ل خه‌لكێ خوه دكه‌ین ده‌مێ هه‌ست ب نیشانێن زێده كاركرنا په‌رێزادێ بكه‌ن زوو قه‌ستا نه‌خۆشخانه‌یان بكه‌ن .
ناڤهاتى ئه‌وژى نه‌ڤه‌شارت و گۆت: دو ئه‌گه‌رێن سه‌ره‌كى یێن ڤان حاله‌تان هه‌نه ئه‌وژى بلندبوونا نه‌خۆشیان شه‌كرێ و بلندبوونا هورمونێ په‌ریزادێ دڤان هه‌ردو حاله‌تان دا مرۆڤ گه‌له‌ك خۆارنى دخۆت وسه‌نگێ وان كێم دبیت، لێ یێن نه‌خۆشیا شه‌كرێ گه‌له‌ك ئاڤێ ڤه‌دخۆت وگه‌له‌ك دچیته ده‌ستئاڤا زراف و خوارنێ ژى گه‌له‌ك دخۆت لێ هه‌ر سه‌نگێ وان زێده‌ناكه‌ت، به‌لكو سه‌نگێ وان كێم دبیت و په‌ریزادا ژه‌هراوى گه‌له‌ك خوارنى دخۆن وسه‌نگا وان كێم دبیت.
تایبه‌تمه‌ندێ نه‌خۆشیێن دل و هناڤا ل دهۆكێ ئاشكه‌را كركو ئه‌و كه‌سێن تووشى په‌ریزادا ژه‌هراوى دبن گه‌له‌ك خوارنێ دخوون وسه‌نگا وان كێم دبیت لێ گه‌له‌ك ئاڤێ ڤه‌ناخۆن، ب تنێ یێن نه‌خۆشیا شه‌كرێ هه‌ین گه‌له‌ك ئاڤێ ڤه‌دخۆن و پێدڤیه ئه‌ڤه هه‌ردو بهێنه پشكنینكرن بۆ پشتراستبوونى ژ نه‌خۆشیا وان و دبیت پشكنینا شه‌كرێ بۆ چێكه‌ن، به‌لێ نیشانێن وێ گه‌له‌ك یێن په‌ریزادێ نه، له‌ورا ئه‌نجامدانا پشكنینێ گه‌له‌ك یا گرنگه، چونكو هه‌كه خوه گیرۆ بكه‌ن بۆ چاره‌سه‌ریێ دێ مه‌ترسى بیت.
د. سیبان سه‌ربه‌ست به‌حسێ مه‌ترسیێن ل سه‌ر ژیانا نه‌خۆشى كر و گۆت: هه‌ستى لاواز دبن وهه‌ستى دشكێن و دبیت خه‌له‌ت لێدانا َدلێ وى مه‌ترسیێ ل سه‌ر ژیانا وى كه‌سى دروست ببیت و هه‌كه دوى حاله‌تى دا نه‌خۆش گه‌له‌ك بمینیت وچاره‌سه‌ریا خوه نه‌كه‌ت دێ تووشى مه‌ترسیێن ساخله‌میێ بیت.
هه‌واڵی گرنگ
