جگەرەی ئەلیكترۆنی ئەم نەخۆشییەی لێدەكەوێتەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

جگەرەی ئەلیكترۆنی ئەم نەخۆشییەی لێدەكەوێتەوە

 

 

توێژینەوە نوێیەكان ئەوەیان دەرخستووە، ئەو جگەرە ئەلیكترۆنیانەی نیكۆتینی تێدایە،‌ هۆكارێكن‌ بۆ شەپڕەی دڵ و بەشێوەیەكی گشتیش دەمارەكانی خوێن كەمتر توانای خۆگونجاندنیان لەگەڵیدا دەبێ.

توێژەران ئەوەش دەخەنەڕوو، زیانی جگەرە ئەلیكترۆنییەكان ئەگەر بۆ ماوەیەكی دوورو درێژ بەكاربهێندرێ، هەمان شێوەی جگەرەی ئاساییە، لەوانەیە دەرئەنجام ببێتە دڵەكوتەو شەپڕەی دڵ.

(گۆستاف لیتنینن) توێژەر لە پەیمانگەی كارۆلینسكای ستۆكهۆڵم، تاقیكردنەوەی لەسەر (22) پیاوو ئافرەت كردووە كە تەمەنیان لەنێوان (18 و 45) ساڵیدایە، ئەوان لە ‌پێشتردا جگەرەكێشن بوونە، بەڵام لە ڕووی تەندروستییەوە كێشەیان نەبووە‌، كاتێك جگەرەكانیان گۆڕیوە بۆ‌ ئەلیكترۆنی ئەوا لەماوەیەكی كەمدا چەندین گۆڕانكاریان بەسەردا دێ، بەشێوەیەك بۆ ماوەی (15) خولەك (23%) تووشی خوێن مەیین دەبن، بەڵام ‌پاش (60) خولەك خوێنەكە دێتەوە ئاستەكەی خۆی.

لەلایەكی دیكەوە ئاماژە بە ‌زیاتربوونی دڵەكوتەش بۆ دڵی بەشداربووان كراوە، تیایدا لە یەك خولەكدا (66 تا 73) جار بووە، پاڵەپەستۆی خوێنیش لە (108 تا 117) ملم جیوە بووە، هاوكات دەركەوتووە ئەوانەی جگەرەی ئەلیكترۆنیان كێشاوە بەشێوەیەكی گشتی دەمارەكانیان تەسك بۆتەوە.

پرۆفیسۆر (جۆناسان گریف) مامۆستای پزیشكی هەناسەدانی منداڵان لە زانكۆی (كۆین ماری) لە لەندەن ئەوەی روونكردۆتەوە كە بەداخەوە زۆرێك لەوانەی دەیانەوێ واز لە ‌جگەرە كێشان بێنن، جگەرەی ئەلیكترۆنی بەكاردەهێنن، كاڵاكانیش وا نیشان دەدرێن هیچ زیانێكی نییە، ڕاستییەكەی ئاوا نییەو بە پێچەوانەوە زیانی زۆری تەندروستی هەیە.

 

هه‌واڵی گرنگ