ب سەدان هزار کەس دێ ژ ئەگەرێ نەخۆشیا سلێ مرن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ب سەدان هزار کەس دێ ژ ئەگەرێ نەخۆشیا سلێ مرن

دەستەیەکا ساخلەمیێ یا نێڤدەولەتی راگەهاند؛ ژ بەر بەلاڤبوونا کۆرۆنایێ ل وەلاتێن هەژار، وەرگرتنا چارەسەریێن نەخۆشیێن دی کێم بوویە و ب سەدان هزار کەس دێ ژ ئەگەرێ نەخۆشیا سلێ مرن.

سندوقا نێڤدەولەتی یا بەرهنگاربوونا ئیدز، سل و مەلاریایێ گۆت: ژ بەر کۆرۆنایێ سیستەمێن ساخلەمیێ ل وەلاتێن هەژار تێکچووینە، تووشبوویێن نەخۆشیێن دی چارەسەریا پێدڤی ناوەرگرن و ب سەدان هزار کەس دێ ژ ئەگەرێ نەخۆشیا سلێ مرن.

پیتەر ساندەرز، سەرۆکێ جێبجێکار یێ سندوقا نێڤدەولەتی یا بەرهنگاربوونا ئیدز، سل و مەلاریایێ گۆت: ل وان وەلاتێن سندوقا نێڤدەولەتی کار دکەت، پشتی بەلاڤبوونا کۆرۆنایێ ٪19 وەرگرتنا چارەسەریا نەخۆشیا سلێ کێم بوویە و ٪11 ژی وەرگرتنا نەخۆشیا ئیدزێ کێم بوویە.

هەروەسا گۆت: ل سالا 2020 زێدەتر ژ ملیۆن نەخۆشان چارەسەریا نەخۆشیا سلێ وەرنەگرتیە ل چاڤ سالا 2019، ئەڤ یەکە دێ بیتە ئەگەرێ مرنا ب سەدان هزار کەسان.

هه‌واڵی گرنگ