وهزیرێ ساخلهمیا ئیرانێ راگههاند؛ مرنا ب كۆرۆنایێ ب ههڤبهركرن ل گهل شهرێ ئیرانێ و ئیراقێ پتره.
بههرام عهین ئالههی وهزیرێ ساخلهمیا ئیرانێ د كۆنگرهیهكی دا بهحس ل رهوشا نوكه یا ساخلهمیێ ل وی وهلاتی و رێژهیێن مرنێ كر و گۆت: د شهرێ 8 سالی یێ ئیرانێ و ئیراقێ نێزیكی 230 تا 240 هزار كهسان هاتنه كوشتن، لێ ل ههژده ههیڤێن بهربهلاڤبوونا كۆرۆنایێ دا 113 هزار كهسان ب وی ڤایرۆسی ژیانا خۆ ژ دهست دایه، ب ڤێ چهندێ ژى ههژمارا مرنێ ب كۆرۆنایێ گهلهك ژ یا شهری زێدهتره.
ل دویڤ ئامارێن وهزارهتا ساخلهمیا ئیرانێ، رۆژانه پترى 600 كهسان ب كۆرۆنایێ ژیانا خۆ ژ دهست ددهن و خۆیاكر: د شهش ههیڤێن بۆری دا ئهو شیاینه 47 ملیۆن دهرزیێن ڤاكسینا كۆرۆنایێ كو 80%ێ یا وێ ژ جورێ سینۆفارم یا چینێ دابین بكهن.
بهرپرسێن ئیرانی سوزدایه، كو وان ل بهره 50 ملیۆن دهرزیێن ڤاكسینا ناڤخۆیی ل دوماهیا ڤێ ههیڤێ بهرههم بینن، لێ تا نوكه تنێ ئهو شیاینه 8 ملیۆن دهرزیان بهرههم بینن و دابین بكهن.