ل روژھەلاتا نافەراست و تایبەت ل عیراقێ و کوردستانێ ھەیفا ھەلبژارتنا ب خوشترین ھەیفا سالێ دھێتە بنافکرن ژبەرکو خزمەتەکا مەزن دکەن،داکو بێ خزمەتیا یازدە ھەیفێن دی ژبیرا خەلکی خو ببەن، و دیسان ژ ئەگەرێ باشیا خەلکی و دلێ نازکێ مللەتی، بێخزمەتیا خو ژبیردکەن، ژبەر ھەیفەکا خزمەتێ،

سەردێرێ من گوتنا من نینە بەلکی گوتنا لایەنەکێ دەسھەلاتێ یە و گوتیە لفێ سالێ ئەم پێتفی ماولیدەیێن ئەھلی نابین، و دێ کارەب بیتە 24دەمژمێری، لایەنەکێ دی گوت، دێ کومپانیەکێ دامەزرینن، بنافێ کومپانیا (کەپکو)کو راستەوخو ھەر تاکەکێ فی مللەتی دێ پشک ھەبیت د ئالوگوری و بازرگانیا نەفتا کوردستانێ دا، و نە بتنێ مە پشک نەدیت بەلکی پشتی ھەشت سالان شنی بەرمیلەکێ گازێ دابەشکر لسەر گەلێ خو..! مللەتێ ھێژا ھەلبژارتن گوھرینان دروست دکەن بەلێ یا گرنگ ئەوە کو ھین دێ کێ ھەلبژێرن، و دێ کەنە نینەر بو دەستەبەرکرنا مافێن خو بزانن ھەر کارەکێ لایەنێ تە بکەت تو بەشداری تێدا ئەفجا چ باش یان خراب، لەوما گرنگە ب سەردێر و گوتنێت خوشێن نھا سەڕدانەچی و ژبەر بەرژەوەندیەکا تاکی بەرژەوەندیا شەش ملیون کەسا ب ئاخێ بسپێری، 

دروشمێن کانیدان گەلەک دیرن ژ کارێ وان بزانن دروشم چنە پاشی بریارێ بدەن، دروشم نە ئەفە نە ئێک بێژیت ئەز دێ ((زونێ ئازدا درۆست دکەم بازارێ ئازاد)) کەسەکێ دی بێژیت ئەز دێ بو ھەوە خانیا ئافاکەم، ئێکێ دی بێژیت ئەز دێ بو گەنجا ژنا ئینم.! ئەفە بتنێ چەند درەوەکێن زیقن، ژبو ھندێ وێنێ خو پێ جوان بکەن و ھندەک گەنجێن دل سوتی بخو بکێشن و پشتەفانیا وان بدەست خوفەبینن، روژھەلاتا نافەراست ل ھیفیا مە نامینیت گوھرینێن سیاسی و ئابوری گەلەک بلەزن ل ئەفێ زونێ، شنی ھین ھێشتا دنالن بو کارەبێ و ئافێ و گازێ و موچەی.! ھین گەلەک ژ ھەژی ترن خزمەتەکا مەزن بو ھەوە بھێتەکرن، لەوما گەلەک گرنگە ببنە خودان گوھرین و گوھرین چاوابیت دێ باشتربیت ژ رەوشا نوکە مادەم سیھ سالە ئەف دەسھەلاتە و مە بێھنا خو فرەھ کری ێ نورمالە بێھنفرەھ بین و چارسالێن ھندەک لایەنێت دی، ب دروشم و گوتنێن خوش سەڕدانەچن، رابەرێن مللەتی پێتفیە راستگو و دەست پاک بن بوچی پێتفیە ھین دوبارە گەندەلا بکەنە بەرپرسێن خو.! خودێ چ کەس مللەتان نا گوھریت ھەتا ئەو مللەت و کەسە بریارا خو گوھرینێ نەدەت.!