لە جیهاندا بۆ بەرەنگاربوونەوەی برسێتی داوای 10 ملیار یۆرۆ دەكرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

لە جیهاندا بۆ بەرەنگاربوونەوەی برسێتی داوای 10 ملیار یۆرۆ دەكرێت

كاربەدەستێكی ئەڵمانی داوادەكات بە بەهای 10 ملیار یۆرۆ پشتیوانیی سندوقی هاوكارییە بەپەلەكانی سەر بە نەتەوە یەكگرتووەكان بكرێت، هەوڵەكەش وەك هەنگاوێكی پێشوەختە ناودەبات بۆ ڕێگری لە مردن بەهۆی برسێتی و كەمی دەرمان لەسەر ئاستی جیهان.

گێرد مۆلەر، وەزیری پەرەپێدانی ئەڵمانیا ڕایگەیاند، یەدەگی خۆراكی بەرنامەی خۆراكی جیهانی تەنها تا كۆتایی ئەم مانگە بەشی ئەفغانستان دەكات، لە یەمەن هاوكارییەكان كەمی كردووە، ناكرێت ئەوانە قبوڵبكرێت تەنها بەهۆی نەبوونی پارە.

ئاماژەی بەوەشكرد، ڕێكخراوەكانی بەهاناوەچوونی سەر بە نەتەوە یەكگرتووەكان لە سەرجەم ناوچەكانی جیهان هەن، بەپێویستیشی زانی چاكسازیی بنەڕەتی لە شێوازی هاوكارییەكان بكرێت.

لێدوانی وەزیرەكەی ئەڵمانیا بەر لە كۆنگرەی وڵاتانی كۆمەكبەخشی ئەفغانستان دێت، كە ئەمڕۆ بە سەرپەرشتیی نەتەوە یەكگرتووەكان دەستیپێكرد.

مۆلەر باسی له‌وه‌ش كرد، ناكرێت نەتەوە یەكگرتووەكان و ئاژانسەكانی هاوكاری ببنە “سواڵكەر” بۆ بەدەستهێنانی هاوكاری و پشتیوانی، بەڵكو پێویستە توانای هەنگاوی پێشوەختەیان هەبێت و بە بڕی پێویستی پارە پشتیوانیبكرێن.

ئه‌وه‌شی خسته‌ڕوو، لەڕێی سندوقی نەتەوە یەكگرتووەكان بۆ هاریكارییە بەپەلەكان و قەیرانەكان بە بەخشینی 10 ملیار یۆرۆ، دەتوانین هەنگاوی پێشوەختە بنێین بەبێ ئەوەی برسێتی و كەمی دەرمان لەسەر ئاستی جیهان ببێتە هۆی مردن، بۆ ئەو هەنگاوە نانێین؟.

هه‌واڵی گرنگ