من تەنیا ورگم هەیەو قەڵەو نیم، ئەوە چۆنە ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

من تەنیا ورگم هەیەو قەڵەو نیم، ئەوە چۆنە ؟؟

 

 

پزیشكێكی بواری هۆڕمۆنەكان دەڵێت، زۆرم بیستوە وادەڵێن، من تەنیا ورگم هەیەو قەڵەو نیم ئەوە شتێكی باشە كە لە جەستەی خۆت ڕازی بیت، خۆت بەلاوە قەبوڵ بیت، لە ڕووی زانستیەوە چەندەها پێوەر هەن بۆ قەڵەوی، ئەوەی زۆر زانستیەو زۆر بەكاردێت ..BMI یان فاكتەری بارستەلەش، كە بەو جۆرە حیساب دەكرێت..

كێشی كەسەكە بە كگم/ (یان بڵێ دابەش) دووجای بەرزی باڵا بە [م دوجا].

ئەگەر ئەو بەرەنجامە لە نۆزدە هەتا بیست و پێنج بێت ئەوە كێشی لەشت تەندروستە، ئەگەر لەوە زیاتربێت و نەگاتە سی ئەوە كێشی لەشت زیادە، بەڵام سی یان زیاتر ئەوە قەڵەویە، قەڵەویش نەخۆشیە وەكو زەخت و شەكرە، وە پێویستە چارەسەربكرێت بە پارێز، وەرزش و دەرمان یان نەشتەرگەری.

خۆڕازی كردن و خۆدڵدانەوە سودی نیە، بەخۆت بەرپرسیاری لە كێشی لەشی خۆت، لەتەندروستی خۆت، بۆیە ئەگەر بارستە لەشت لەسی بەسەرەوەیە هەنگاو بنێ.

ڕێگەیەكی دیكەی دەرخستنی قەڵەوی چێوەی سكە، ئەویش بە دووری پێو یان فوتە لە ڕاستی ناوك دەپێورێت، بۆ ئافرەتان ئەگەر لە هەشتاو هەشت زیاتربێت تەندروست نیەو قەڵەویە، بۆ پیاوان لە سەدو دوو زیاتربێت ئەویش قەڵەویەو ناتەندروستە.

هەندێك كەس دەڵێت ئێسكم قورسە دەنا قەڵەو نیم، دە وەرە بەیەك لەو دوو پێوەرە زانستیانە خۆت پێوانە بكەو بزانە ئەگەر قەڵەویت چەند هەنگاوێك بنێ، ئەگەر هەر نەتتوانی كێشی لەشت داببەزێنیت ئەوا لایەنە تەندروستییەكانی دیكە پیادە بكە، لە جگەرەو كهولیەكان دور بكەوە.

ڕۆژانە وەرزشت هەبێت، ڕۆیشتن یان یارییە وەرزشییەكانی وەكو تۆپ تۆپێن، وەرزشی ڕۆژانەو خواردنی سەوزەو پاقلەمەنیەكان وا دەكەن تووشی نەخۆشییە درێژخایەنەكانی دیكە نەبیت و هەر تەندروست بمێنیت.

هەیە دەڵێت : من بە ئاویش قەڵەو دەبم، لە ڕووی زانستیەوە ئاو هیچ كالۆرییەكی تیانیە، وزەی تیا نیە، پاساو هێنانەوە ئاسانە بۆ ئەوەی كارێك ئەنجام نەدەین، سەرسوك ڕۆژەكانمان بەڕێ بكەین، بەڵام خاڵێكی زۆر گرنگ هەیە ئەو خاڵەیش زۆر بایەخدارە، وا لەخوارەوە ڕونی دەكەمەوە.

خاڵە جەوهەریەكە ئەوەیە كە لەپیشەی ڕۆژانە گرنگتر تەندروستیتە، لە دانیشتن و ڕابواردن سەرەكیتر تەندروستیتە، ئێمە لەچەرخێكدا دەژین تێكدەری تەندروستیە، لەژینگەیەكدا دەخولێینەوە دوژمنی ژیان و تەندروستیە، بۆیە شەڕێكمان لەپێشە بۆ پاراستنی ژیانمان، بۆ دوركەوتنمان لەنەخۆشی دڵ، زەخت، شەكرە، شرپەنجەو ... هتد.

هه‌واڵی گرنگ