وەزارەتا ساخلەمیا ئیراقێ راگەهاند؛ ژمارا وان کەسێن ڤاکسینێن کۆرۆنایێ وەرگرتی زێدە بووینە.

رەبی فەلاح، ئەندامێ تیما راگەهاندنا وەزارەتا ساخلەمیا ئیراقێ بۆ گاڤ گۆت: رێژەیا دانا ڤاکسینێن کۆرۆنایێ ل ئیراقێ زێدە بوویە و نوکە زێدەتری 4 ملیۆن کەسان ل سەرتاسەری ئیراقێ ڤاکسین دانایە.

هەروەسا گۆت: ل گەل زێدەبوونا رێژەیا دانانا ڤاکسینان، حالەتێن تێکچوونا رەوشا ساخلەمیا وان کەسێن ڤاکسین وەرگرتی زێدە نەبوویە و ئەڤە ئاماژەیەکا باشە بۆ زێدەتر دانانا ڤاکسینان.

وەزارەتا ساخلەمیا ئیراقێ ئەڤرۆ سپێدێ گەهشتنا زێدەتری 400 هزار قورچێن دی یێن ڤاکسینا فایزەر راگەهاند و دێ ل سەر هەمی پارێزگەهێن ئیراق و هەرێما کوردستانێ هێنە بەلاڤکرن.