ئاسایشی سلێمانی: ئەو كەسەی دارەكانی هەڵكەندبوو دەستگیركرا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئاسایشی سلێمانی: ئەو كەسەی دارەكانی هەڵكەندبوو دەستگیركرا

ئاسایشی ڕۆژئاوای سلێمانی رایده‌گه‌یه‌نێت،ئەو كەسەی دارەكانی سەر شەقامی نزیك بانكی چەمچەماڵی هەڵكەندبو دەستگیر كرا.

ئه‌مڕۆ یه‌ك شه‌ممه‌ 19 ی ئه‌یلولی 2021 بەڕێوەبەرایەتی ئاسایشی ڕۆژئاوای سلێمانی لە ڕاگەیەنراوێكدا ئاماژەی بەوەكردووە، شارەوانی چەمچەماڵ لەپێناو سەوزكردنی شارۆچكەی چەمچەماڵ و ژینگەیەكی تەندروستدا چەند نەمامێكی لەگەڕەكی ڕاپەڕینی شارۆچكەكە لە نزیك بانكی چەمچەماڵ چاند، بەڵام لەلایەن دوو كەسەوە نەمامەكان شەوی (۱٤ لەسەر ۱٥ / ٩ /٢٠٢١) هەڵدەكەندرێن و دەدزرێن.

 لە ڕاگەیەنراوه‌كه‌دا ئاماژه‌ به‌وه‌ش كراوه‌، هێزەكانمان پاش بەدواداچوون و كۆكردنەوەی زانیاری كەسێكیان بەناوی ( أ ، أ ، ر ) دانیشتوی شارۆچكەی چەمچەماڵ دەستگیركرد لەگەڵ كەسێكی دیكەی دانیشتوی شارۆچكەكە تاوانەكەیان ئەنجام داوە، بەڵام لەئێستادا هەڵهاتووە و شوێنەكەی نادیارە

باس له‌وه‌ش كراوه‌، پاش هەڵكێشانی نەمامەكان گواستویانەتەوە بۆ باخێك لەنزیك گوندی (گورگەی) لەلایەن هێزەكانمانەوە دەست بەسەر نەمامەكان و ئۆتۆمبێلی تۆمەتبارە هەڵهاتووەكەدا گیرا.

ئاسایشی ڕۆژئاوای سلێمانیئه‌وه‌شی خستۆته‌روو، تۆمەتبارەكان بەفەرمانی دادوەری دادگای لێكۆینەوەی چەمچەماڵ بەپێی ماددەی (٤٤١) بڕگە (١١) فەرمانی دەستگیركردنیان هەبووە.

 

May be an image of outdoors

هه‌واڵی گرنگ