ڤێرژنەکێ نوی یێ ئایفۆنێ ئەڤرۆ دێ بۆ بکارئینەران بەردەست بیت و چەندین گوهۆڕین د سیستەمی دا هاتینە کرن.
وەسا بریارە ئەڤرۆ رۆژا دوشەمبی سیستەمێ "ئای ئۆ ئێس 15" یێ ئایفۆنێ بۆ بکارئینەران بەردەست بیت و ل گۆرەی کۆمپانیا ئەپل، ڤێرژنێ نوی دێ ب رەنگەکێ ئۆتۆماتیک ل سەر ئایفۆنان هێتە چەسپاندن و چەندین نویاتیێن باش د وی سیستەمی دا هەنە.
نویکرن د دیزاینا نۆتیفیکەیشنێن ئایفۆنێ دا هاتیە کرن و قەبارەیێ وان دێ ژ قەبارەیێ ڤێرژنێن بەری نوکە مەزنتر بیت و هەروەسا دیزاینا "سەفاری" ژی هاتیە گوهۆڕین.
ئێک ژ خالێن خۆش بۆ بکارئینەرێن ئایفۆنان ئەوە کو د سیستەمێ نوی دا دشێن تێکستان ژ هەر جهەکێ بڤێت، کۆپی بکەن و د ڤی ڤێرژنی دا دشێن تێکستان ژ سەر وێنەیان ژی کۆپی بکەن و وەک تێکست ل هەر جهەکێ بخوازن سەرەدەریێ ل گەل بکەن.
ڤێرژنێ نوی بۆ ئایفۆنێن 6 ئێس و پێهەل بکێر دهێت و هەروەسا دێ بۆ ئایپەدان ژی ڤێرژنەکێ نوی هەبیت.