بالیۆزخانەیا چینێ ل بەغدا ئەشكەرا كر، د چارچۆڤێ وان هاریكاریێن چین پێشكێشی عیراقێ دكەت، ملیۆن ڤاكسینێن ژ جۆرێ سینۆفارمن.
بالیۆزخانەیا چینێ دبێژیت: چینێ دڤێت ب رێیا دانا ملیۆن ڤاكسینان بۆ عیراقێ، هاریكارییا عیراقێ بكەت بۆ دروستكرنا دیوارەكێ ب هێز دژی ڤایرۆسێ كۆرۆنایێ و داكو ڤاكسین بگەهیتە هەمی وەلاتییان.
ژ لایێ خۆڤە سەیف بەدر پەیڤدارێ وەزارەتا ساخلەمییا عیراقێ گەهشتنا وی كاروانێ ڤاكسینێ چینێ ژ جۆرێ سینۆفارم پشتڕاست كر و راگەهاند: ل دویڤ رێكاران ئەو ڤاكسین دێ ب سەر هەمی ناڤەندێن ڤاكسیندانێ هێنە دابەش كرن.