کەکێ شاسوار گەلەک گەرم نەبە ، چونکی گەلەک گەرم بوون دەرئەنجامێت نەباش لدویڤ دا دھێت !!
کاکێ شاسوار نە جەنابێ تە ونە چوار ئەندام پەرلەمانێت تە نەشیاینە و نەبووینە ئەگەر کۆ ھەلویستێت مە ل پەرلەمانی یان باوەریێت مە بگوھورن ، نەچارم پشتی ئاخڤتنێت تە چەندین رونکرنا بۆ رایا گشتی بدەمە ئاشکراکرن :-
١-سەبارەت بابەتێ کرینا ئوتومبێل بۆ پەرلەمانتار ، بۆ مێژوو ل شوینا سەروک فراکسیونی دگەل دەستەیا سەروکایەتییا پەرلەمانی و ھەمی سەروک فراکسیونا روینشتین و ب فەرمی مە ھەلویستێ خۆ راگەھاند کۆ نابیت ب پارێ گشتی ئوتومبێل بھێنە کرین ومە پێش ھەوە رەدکرییە فەرموو ھەکە ھوین ھوسا دکاریکەرن بلا ھوین رێگربان دکرینا نێزیکی سەد ئوتومبێلا بۆ راوێژکار و فەرمانبەرێن پەرلەمانی !!کانێ ھەلویستێ ھەوە بۆ مەزاختنا نێزیکی سەد ملیون دینارا بۆ کرینا ئێک ئوتومبێلێ بۆ بریکارێت وەزارەتا! یا دیتر چوار ئەندامێت تە وەکی زۆربەی پەرلەمانتارا لسەر وەکالەتا پەرلەمانی ئوتومبێل ب قست ژ کومپانیا جیھان دەرئێخستینە و دھەمان رۆژ دا فروشتینە داکۆ لناڤ خەلکی ھەر ب دلسوزی بھێنە قەلەم دان !! وبەلگە لبەر دەستن کانێ چەند پارە ھاتینە وەرگرتن وەک قستێ پێشەکی
٢-سەبارەت کۆ چوار ئەندامێت فراکسیونا تە بووینە رێگر کۆ ١٠٧پەرلەمانتار پاسپورتا دیبلوماسی رەفز بکەن ! ھیچ راستییەک بۆ ڤێ چەندێ نە ژی نەبوویە چونکی دانا پاسپورتا دبلوماسی مافێ پەرلەمانتارایە لدویڤ ھەمی عورفێت پروتوکولی و دبلوماسی پەرلەمانتارا مافێ جەوازێ ھەیە ، لێ مە وەک فراکسیون داخاز نەکربوو حەتا ل ژێر کارتێکرنا ٤ئەندامێت تە مە رەفز کربیت !!! وکەنگی ئاریشا خەلکی دجەوازا ھەوە دابوویە؟؟
٣-فراکسیونا تە ٨ئەندام بوون ب ھەلویستێت تە یێت نە دبلوماسی و نە شارستانی نھۆ ٤ئەندام بتنێ بۆ تە ماینە ودەنگێت تە ب خەلکی وەرگرتین ل پەرلەمانی لسەر فراکسیونێت دەستھەلاتێ ھاتنە بەلاڤکرن
٤-بابەتێ رەدکرنا خانەنشینیێ ، بۆ ھندێ بوو کو ئەڤ چوار بەرێزە کاندیدێت تەنە بۆ خولا شەشێ یا پەرلەمانی داکۆ ٤سالێن بھێت مسوگەربکەن و ھەڤژینێت وان بکەیە کاندید بۆ ئەنجمومەنێ نوینەرێت عێراقێ ، ھەر وەسا موزایەدەکا نەزۆک بوو ویا بێ بەرھەم بوو ، چونکی دیارە ھندەک ئەندامێت فراکسیونا تە ھێشتا نەھاتینە دامەزراندن! و ھندەک ژی مەرجێت خانەنشینییێ تێدا نینن ، ھەکە لدویڤ یاسایێ خانەنشینێ بھێنە خانەنشین کرن پتنێ دێ ب کوژمەکێ کێم وەرگرن !!! وخەلکەکێ دیتر ژی فورما رەدکرنێ پر کرینە
ھەر چەندە من نەدڤییا ڤێ چەندێ لسەر فراکسیونەکا ئوپزسیونێ بەلاڤبکەم ومە ھیچ دلگرانییەک دگەل ھەڤپیشەیێت خۆ ل فراکسیونا تە نینە بەلێ شێوازێ شکاندنا وبێ رێزکرنا شاسواری بۆ خەلکێ کوردستانێ ژ ھەمی سنوورا بەزاندییە، کێمتر وجیاوازتر نابینم ژ سیاسەتا حزبێن دەستھەلات
.............................
ھەلز ئەحمەد بۆتانی
ئەنداما فراکسیونا یەکگرتوو ئیسلامی کوردستان
٢٠٢١/٩/٢٣