کۆمسیۆنا بلندا هەلبژارتنان یا ئیراقێ ئەڤرۆ راگەهاند؛ هەمی بەرهەڤیێن پرۆسەیا هەلبژارتنێن پەڕلەمانێ ئیراقێ ب دوماهی هاتینە.
ئەڤرۆ ل بەغدا جەلیل عەدنان، سەرۆکێ کۆمسیۆنا بلندا هەلبژارتنان یا ئیراقێ د کۆنگرەیەکێ رۆژنامەڤانی دا گۆت: پشتی دەرگەهێن بنگەهێن دەنگدانێ دهێنە داخستن، ئەنجامێن هەلبژارتنان یێن هەمی پارێزگەهێن ئیراقێ دێ د دەمێ 90 خۆلەکان دا گەهنە ئۆفیسا سەرەکی یا کۆمسیۆنێ ل بەغدا و د 24 دەمژمێران دا دێ ئەنجامێن دەستپێکی یێن هەلبژارتنان هێنە راگەهاندن.
هەروەسا گۆت: 83 بازنەیێن جودا ل سەرتاسەری ئیراقێ هەنە، هەمی بەرهەڤی ژ ئالیێ کۆمسیۆنێ ڤە هاتینە کرن و پلانا یەدەک ژی بۆ هەر پێشهاتەکا نەچاڤەرێکری هاتیە ئامادەکرن.
جەلیل عەدنانی دیار ژی کر: ژمارەیەکا بەربژێران ژ بەر زێدەگاڤیان هاتینە دویرئێخستن و هەر بەربژێرەکێ ژ ئەڤرۆ وێڤە ژی زێدەگاڤیان بکەت، دێ هێتە دویرئێخستن.