مریشك كێشی چەند بێت تەندروستە ؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

مریشك كێشی چەند بێت تەندروستە ؟

 

 

وەك زاندراوە مریشك بە سەرچاوەیەكی گرنگی ماددە خۆراكییەكان دادەنرێت كە بەهایەكی خۆراكی بەرزی هەیەو ڕێژەیەكی زۆر باش پرۆتین و كانزاكان و ڤیتامین و چەوری تێدایە كە بەیەكێك لە پێداویستییە سەرەكییەكانی مرۆڤ دادەنرێت بە بەراورد بە هەندێك لەبەرهەمە ئاژەڵییەكان تەندروست و سەلامەتترە.

بەپێی توێژینەوەكان دەركەوتووە، زیادبوونی كێشی مریشك دەبێتە هۆی كەمبوونەوەی پرۆتین و كانزاكان و ڤیتامینەكان لەبەرامبەردا دەبێتە هۆی زیادبوونی ڕێژەی چەوری لە ژێر پێست و دەوری ئەندامەكانی مریشك، هەتا كێشی مریشك زیاد بكات گۆشت و چەورییەكەی ئاسان هەرس ناكرێت ئەمەش هۆكارە بۆ نیشتنی چەورییەكە لەناو بۆرییەكانی خوێن و زیادبوونی كۆلیسترۆڵ و ترای گلیسراید لە خوێندا سەرەڕای ئەوەی بەشێكی زۆری چەوری مریشك ماددەی زیانبەخشی تێدا دەنیشێت وەك ئەنتی بایۆتیك و هۆرمۆنات و دژە مێرووەكان (موبیدات) كە ئەم ماددانەش دەگوێزرێتەوە بۆ لەشی مرۆڤ كە هۆكارە بۆ توشبوون بە چەندین نەخۆشی، بە پێچەوانەوە هەتا كێشی مریشك كەم بێت ڕێژەی پرۆتین و كانزاكان و ڤیتامینەكان زۆرترە بە بەراورد بە چەوری ئەمەش ئەگەری توشبوون بە نەخۆشییەكانی دڵ و پەستانی خوێن و بەرزی چەوری خوێن كەم دەكات.

بەپێی توێژینەوەكان مریشك تا كێشی كەمتر بێت بەهای خۆراكی بەرزترەو لەڕووی تەندروستییەوە سەلامەتترە.

(لەشكر حەمید – ئەندازیاری خۆراك)

هه‌واڵی گرنگ